Ճապոնիայի վարչապետ Յոսիհիդե Սուգան հայտարարել է, որ իր այցը ԱՄՆ օգնել է ԱՄՆ նախագահ Ջո Բայդենի հետ վստահելի հարաբերությունների կառուցմանը։ Նրա խոսքերը մեջբերում է ՏԱՍՍ-ը:
Ճապոնիայի վարչապետն ընդգծել է, որ Վաշինգտոն կատարած իր այցի բոլոր արդյունքները շարադրված են կողմերի պաշտոնական վերջնական հայտարարության մեջ:
Ճապոնիայի վարչապետ Յոսիհիդե Սուգան և ԱՄՆ նախագահ Ջո Բայդենը Վաշինգտոնում հանդիպեցին ապրիլի 16-ին: Հանդիպման արդյունքների քննարկման ժամանակ նրանք անդրադարձան Թայվանի նեղուցում կայունություն պահպանելու անհրաժեշտությանը և մտահոգություն հայտնեցին Հոնկոնգում և Սինցզյան Ույգուրյան ինքնավար շրջանում մարդու իրավունքների իրավիճակի կապակցությամբ:
Յոսիհիդե Սուգան դարձավ առաջին արտասահմանյան առաջնորդը, որն անձնական հանդիպում անցկացրեց Բայդենի հետ՝ ԱՄՆ նախագահի պաշտոնը ստանձնելուց հետո։
