Մոսկվայում Չեխիայի դեսպան Վիտեզսլավ Պիվոնկային կանչել են ՌԴ ԱԳՆ, լրագրողներին հաղորդել է աղբյուրը: Այլ մանրամասներ նա դեռ չի հայտնել:
Ամենայն հավանականությամբ, չեխ դիվանագետի կանչը կապված է Չեխիայում Ռուսաստանի դեսպանության 18 ռուսաստանցի աշխատակիցներին վտարելու Պրահայի որոշման հետ: Այս մասին հայտարարվել է նախօրեին՝ ապրիլի 17-ին: Նշվել է, որ այդ մարդիկ իբր կապված են Ռուսաստանի հատուկ ծառայությունների հետ:
Այժմ Չեխիայի նախագահ Միլոշ Զեմանը մտադիր է հաջորդ շաբաթվա վերջին անդրադառնալ Վրբետիցայում գտնվող ռազմական պահեստում 2014թ.-ին տեղի ունեցած պայթյունի գործին: Պրահան Ռուսաստանին մեղադրել է դրանում ներգրավվածության մեջ:
Միևնույն ժամանակ, տեղական լրատվամիջոցները հաղորդել են, որ Չեխիայի հատուկ ծառայությունները կարծում են, որ պայթյունն իրականացրել են ՌԴ քաղաքացիներ Պետրովն ու Բոշիրովը: Ավելի վաղ Լոնդոնում նրանց մեղադրել են Սերգեյ Սկրիպալի թունավորման մեջ:
Մինչդեռ ՌԴ ԱԳՆ խոսնակ Մարիա Զախարովան նշել է, որ Չեխիան լավ գիտի, թե ինչ է հաջորդելու դրան: Ավելի ուշ նա խոստացել է, որ Մոսկվան մոտ ժամանակներս պատասխան քայլեր կձեռնարկի: