Միացյալ Նահանգները կապ չունի Բելառուսի տարածքում հեղաշրջման հետ կապված որևէ դավադրության հետ: Բացի այդ, Պետդեպարտամենտի ներկայացուցիչը հերքել է տեղեկատվությունը Բելառուսի նախագահ Ալեքսանդր Լուկաշենկոյի դեմ մահափորձի ծրագրերի մասին, հաղորդում է ՏԱՍՍ-ը:
«Մենք տեսել ենք հաղորդումներ Ռուսաստանի պետական լրատվամիջոցներում Ալեքսանդր Լուկաշենկոյի դեմ ենթադրյալ դավադրության մասին, ինչպես նաև այդ մասին նրա ուղղակի հայտարարությունները լրատվամիջոցներում: Ցանկացած ենթադրություն այն մասին, որ ԱՄՆ կառավարությունը կանգնած է եղել դրա հետևում կամ ներգրավված է եղել Լուկաշենկայի դեմ մահափորձի կազմակերպմանը, բացարձակ սուտ է»,- ասել է Պետդեպի ներկայացուցիչը:
ԱՄՆ-ի արտաքին գործերի գերատեսչության ներկայացուցչի խոսքով, Վաշինգտոնը կարող է հյուպատոսական օգնություն ցուցաբերել իր քաղաքացուն: Դրանից առաջ տեղեկություններ կային, որ փաստաբան Յուրի Զենկովիչը բերման է ենթարկվել Բելառուսի նախագահի դեմ մահափորձին մասնակցության համար: Նա ունի Բելառուսի և Միացյալ Նահանգների երկքաղաքացիություն:
