Կյանքի վերջին տարիներին ֆուտբոլիստ Դիեգո Մարադոնան 4.6 միլիոն դոլար է ծախսել հարազատների վրա, հաղորդում է La Gazzetta dello Sport-ը:
Նշվում է, որ նա հոգացել է վարսահարդարման, բժշկական, ապահովագրական ծառայությունների, սննդի, բնակարանների ու մեքենաների ծախսերը:
Ֆուտբոլիստը վճարել է նաև բջջային կապի համար:
Մարադոնան մահացել է 2020 թվականի նոյեմբերի 25-ին: Նոյեմբերի 3-ին նախկին մարզիկին ախտորոշվեց գլխուղեղի սուբդուրալ հեմատոմա: Հաջորդ օրը նրան վիրահատեցին:
Նոյեմբերի 12-ին արգենտինացին դուրս է գրվել հիվանդանոցից:
Մարադոնան խաղացել է «Արգենտինոս Խունիորսում», «Բոկա Խունիորսում», «Բարսելոնայում», «Նապոլիում», «Սևիլիայում» և «Նյուելս Օլդ Բոյզում»:
Արգենտինայի հավաքականի կազմում նա մասնակցել է 91 հանդիպման, դարձել 34 գոլի հեղինակ: 1986 թվականի Աշխարհի գավաթի խաղարկության ավարտին Մարադոնան ճանաչվեց մրցաշարի լավագույն խաղացող: Հաջորդ աշխարհի գավաթի խաղարկությունում հարձակվողը դարձավ մրցույթի արծաթե մեդալակիր:
