ԱՄՆ Դաշնային գաղտնի ծառայության գործակալները բերման են ենթարկել Ֆլորիդայի մի բնակչի, որը մեղադրվում է ԱՄՆ փոխնախագահ Քամալա Հարիսին սպանելու դիտավորության մեջ, հաղորդում է USA Today-ը:
39-ամյա բուժքույր Նիվիան Փիթի Ֆելփսը ձերբակալվել է հինգշաբթի՝ ապրիլի 15-ին, Գաղտնի ծառայության աշխատակիցների կողմից «Միացյալ Նահանգների փոխնախագահին գիտակցաբար սպանելու և մարմնական վնասվածք հասցնելու դիտավորության համար»:
Ըստ գաղտնի ծառայության՝ Ֆելփսը մի քանի անգամ տեսանյութ է ուղարկել ամուսնուն, որը պատիժ է կրում բանտում: Այս տեսանյութերում Ֆելփսը վրդովմունք է հայտնել 2021 թ. ԱՄՆ նախագահական ընտրությունների արդյունքների կապակցությամբ: Միաժամանակ նա զենքի թույլտվություն ստանալու համար դիմել է իրավապահ մարմիններին:
Ֆելփսը մի քանի տեսանյութ է ձայնագրել, որոնցում նա Քամալա Հարիսին սպանելու սպառնալիքներ էր հնչեցնում՝ նշելով որոշակի ամսաթիվ: Իր տեսանյութերում ձերբակալվածն արդարացրել է իր ատելությունը նրանով, որ Միացյալ Նահանգների փոխնախագահին սևամորթ կին չի համարում:
Եթե մեղադրանքը հաստատվի, ապա Ֆելփսին սպառնում է առավելագույնը հինգ տարի ժամկետով ազատազրկում: