Ռուս գիտնականները պատմել են, թե ինչպես կարող են ծնողները հայտնաբերել հետկովիդային համախտանիշը անչափահասների մեջ:
Ըստ KP.RU-ի՝ ծնողները պետք է ուշադրություն դարձնեն մի քանի կարևոր նշանների։ Սրտի աշխատանքի խանգարումներ, ուժի կորուստ (ասթենիա), ինչպես նաև բարձր ջերմություն ավելի, քան չորս օր: Մասնագետները խորհուրդ տվեցին ուշադրություն դարձնել հետկովիդային համախտանիշի այլ դրսևորումներին` կոնյունկտիվիտ (հայտնաբերվել է 89%-ում), աղեստամոքսային տրակտի խանգարումներ (83%), շնչառության դժվարություն (65%), ձեռքերի վրա ցան (57%) և շրթունքների ճաքեր (54%):
Բացի այդ, ինչպես արդեն զգուշացրել էին գիտնականները, հազվադեպ դեպքերում կորոնավիրուս տարած երեխաների շրջանում զարգանում են նյարդաբանական վտանգավոր սինդրոմներ:
Բժիշկները նախազգուշացրել են, որ երեխաները կարող են տառապել գլխուղեղի, նյարդերի և ողնաշարի վնասվածքներից: Գիտնականները նաև ողնաշարի նյարդի արմատների աննորմալ լարվածություն են նկատել, որը տեսանելի է միայն ՄՌՏ-ով: Երբեմն զարգանում է ողնուղեղի բորբոքում (միելիտ), ինչը կարող է կաթվածի հանգեցնել: