Հռոմում շոու բիզնեսի աշխատակիցները բողոքի զանգվածային ցույց էին կազմակերպել: Ընդհանուր առմամբ ցույցին մասնակցել է հազար մարդ: Նրանք տեխնիկայով արկղներ բերեցին Պիացցա դել Պոպոլո և շարվեցին դրանց կողքին: Բոլոր մասնակիցները սև դիմակ և «Ես միջոցառումներ եմ կազմակերպում» գրությամբ սև մարզաշապիկ էին կրում:
Ցուցարարները պետության աջակցություն, նաև սահմանափակումների վերացում էին պահանջում: Ոլորտն արդեն մեկ տարուց ի վեր չի կարողանում նորմալ աշխատել: Արտիստներն ու պրոդյուսերները գոնե սահմանափակ թվով հանդիսատեսներով միջոցառումներ անցկացնելու թույլտվություն են խնդրում: Այսպես նրանք կկարողանան գումար վաստակել:
Ակցիան տևեց կես ժամ: Ոստիկանությունը հեռվից դիտում էր սևազգեստ մարդկանց: Արկղներին մի քիչ հարվածելուց հետո բողոքականները ցրվեցին: Իտալացիներն արդեն մեկ շաբաթ է՝ բողոքում են սահմանափակումների դեմ: Հավաքներ ու ակցիաներ են անցկացվում Հռոմում և Միլանում: Հաճախ ակցիան ավարտվում է ոստիկանության հետ բախումներով։