Իսրայելի զինված ուժերը շաբաթ՝ ապրիլի 17-ի գիշերը, հարվածներ են հասցրել Համասի (պաղեստինյան իսլամիստական շարժում) մի քանի թիրախների՝ ի պատասխան Գազայի հատվածից արձակվախ հրթիռին: Այս մասին հայտնում է իսրայելական բանակի մամուլի ծառայությունը:
Նշվում է, որ հարվածներն իրականացվել են կործանիչների և ուղղաթիռների կողմից պաղեստինյան շարժման մի շարք ռազմական թիրախների դեմ, այդ թվում՝ ուսումնական հաստատություն, հակաօդային հրթիռներ տեղադրելու համար կառուցվող կետ, բետոնե գործարան, ստորգետնյա թունելներ և զինամթերքի պահեստ, ինչպես նաև Համասի ստորգետնյա ենթակառուցվածքներ:
Դրանից առաջ իսրայելական կողմը հայտնում էր, որ Գազայի հատվածից մեկ հրթիռ է արձակվել Իսրայելի ուղղությամբ: Օդային հարձակման ազդանշանները հնչել են ուրբաթ երեկոյան՝ ապրիլի 16-ին, երկրի հարավի երկու տեղանքներում: