ԱՄՆ-ի նախաձեռնած՝ կլիմային նվիրված գագաթնաժողովին նախագահ Վլադիմիր Պուտինի մասնակցության մասին դեռ որոշում չի ընդունվել: Հայտնել է ՌԴ նախագահի մամուլի քարտուղար Դմիտրի Պեսկովը:
«Ոչ, դեռ որոշում չկա, հարցն առաջվա պես ուսումնասիրվում է: Ձեզ կտեղեկացնենք հենց որ վերջնական որոշում լինի»,- Պեսկովը պատասխանել է արդյոք Պուտինը կլիմային նվիրված գագաթնաժողովին մասնակցելու որոշում ընդունե՞լ է, թե՞ ոչ հարցին:
Ավելի վաղ ԱՄՆ-ի նախագահ Ջո Բայդենը Պուտինի հետ տեղի ունեցած հեռախոսազրույցում նրան առաջարկել է անձնական հանդիպում անցկացնել երրորդ երկրում: ԱՄՆ-ի պետքարտուղար Էնթոնի Բլինքենը պարզաբանել է, որ Բայդենը Պուտինին առաջարկել է հանդիպել առաջիկա շաբաթներին:
Սպիտակ տան մամուլի ծառայությունում հաղորդել են, որ Բայդենը կլիմային նվիրված գագաթնաժողովին, որը Վաշինգտոնը մտադիր է վիրտուալ ձևաչափով կազմակերպել ապրիլի 22-23-ին, հրավիրել է 40 երկրների առաջնորդների, այդ թվում՝ Պուտինին, հաղորդում է ՌԻԱ Նովոստին: