ՄԱԿ-ի կանխատեսումներով՝ 2050թ. Հայաստանի բնակչությունը կլինի 2,7 միլիոն, իսկ 2100թ.՝ 1, 8մլն: Սրանք դեռևս 2 տարի առաջ արված կանխատեսումներն էին, երբ դեռևս հաշվարկված չէր կորոնավիրուսի համավարկի և արցախյան պատերազմի հետևանքները Հայաստանի ժողովրդագրական վիճակի վրա: Հայաստանն այսօր գտնվում է դեմոգրաֆիական լուրջ խնդրի առաջ:
Թեմայի շուրջ «Առաջին լրատվական»-ի հետ զրույցում մշակութային մարդաբան Աղասի Թադևոսյանը նշեց, որ դեմոգրաֆիական խնդիրն ամենակարևորն է. «Բոլորս էլ հասկանում ենք, որ առանց մարդկանց հնարավոր չէ ունենալ պետություն և ապահովել զարգացման գործընթացներ: Հիմնական լրջագույն խնդիրը բնակչության ծերացման խնդիրն է: Հայաստանում շատ լուրջ խնդիր է նաև մարզերի մարդաթափումը. երիտասարդները գյուղերից հեռանում են, մարզերից անընդհատ գալիս են Երևան՝ նախընտրելով ավելի լավ կյանքի կազմակերպումը, և մարզերը ծերանում են:
Միգուցե առաջին հայացքից թվում է, թե դեմոգրաֆիայի խնդիրները կապված են բնական աճի կամ տնտեսական իրավիճակի հետ, բայց նաև նշանակություն ունի մարզերում կյանքի պայմանների հետամնացությունը»,- նշեց Թադևոսյանը:
Մշակութային մարդաբանի խոսքով՝ այլևս իրավունք չունենք դատապարտելու այն կանանց, որոնք կորոշեն միայնակ երեխա ունենալ․նրամասները՝ տեսանյութում:
