«Կովիդի դեմ բոլոր պատվաստանյութերն էլ ունեն շատ կարճ ժամկետ: Դա պայմանավորված է մի շարք հանգամանքերով, օրինակ, որ դեռ ժամանակային առումով բավարար ամփոփված հետազոտություններ չկան»,- այս մասին այսօր խորհրդարանում կառավարության 2020 թվականի կատարողականը ներկայացնելու ժամանակ ասաց առողջապահության նախարար Անահաիտ Ավանեսյանը, անդրադառնալով պատվաստանյութի ժամկետներին, ինչպես նաև պատասխանելով հարցին, թե ինչ աշխատանքներ է տարվել, որպեսզի հանրության շրջանում բարձրանա վստահությունը պատվաստանյութերի հանդեպ:
«Տրվել է միջինը վեց ամիս ժամկետ բոլոր պատվաստանյութերի համար: Այն, որ Հայաստան ներկրված «Աստրազենեկա» պատվաստանյութն ունի երկու ամսից մի փոքր ավելի օգտագործման ժամկետ, լրիվ բավարար, սովորական ընթացք է,- ասաց նախարարը։- Միաժամանակ մեզ մոտ պատվաստումը խթանելու, հասարկությանը ճիշտ տեղեկացնելու առումով աշխատանքներ արդեն իրականացվում են վերջին երկու-երեք ամիսներին:
Բայց համաձայն եմ, որ երբեք չի կարելի համարել, որ այդ աշխատանքը բավարար է: Այս աշխատանքը շարունակական է»:
Ավանեսյանը նշեց, որ փորձում են ներգրավել նաև հանրային ֆիգուրներին. «Առաջիկա մեկ շաբաթվա ընթացքում դուք ականատես կլինեք վստահություն վայելող անձանց կողմից պատվաստաման գործընթացին մասնակցությանը»։
Նախարարը նաև նշեց, որ ամենօրյա ռեժիմով մասնագետները աշխատում են, նկարահանվում մեն հաղորդաշարեր, տեղեկատվական տեսանյութեր, հրապարակումներ, որպեսզի պրոպագանդվի պատվաստման գործընթացը և բարձրանա հանրության շրջանում վստահությունը: