Արցախի Պաշտպանության բանակի նախկին հրամանատար Սամվել Բաբայանը մի շարք ուշագրավ հայտարարություններ է արել ասուլիսի ժամանակ: Ի թիվս այլ հայտարարությունների՝ նա նաև նշել է. «Եթե անկեղծանանք և խոստովանենք, թե ինչ ձևով մենք վերցրեցինք Շուշին, ապա կհասկանանք նաև, թե ինչպես դա արեց հակառակորդը»:
«Առաջին լրատվական»-ի հետ թեմայի շուրջ զրույցում անդրադառնալով հարցին, թե ինչի մասին է ակնարկում ՊԲ նախկին հրամանատարը՝ մշակույթի գործիչ, ազատամարտիկ Գագիկ Գինոսյանը նշեց. «Ես չեմ մասնակցել Շուշիի ազատագրմանը, բայց վստահ եմ, որ Սամվել Բաբայանը սխալվում է: Ես վստահ եմ, որ նա սխալ կարծիք է հայտնել՝ չգիտեմ, թե որքանով դիտավորյալ, բայց այստեղ լուսահոգի Կոմանդոսի՝ Արկադի-Տեր Թադևոսյանի անվան հետ կապված շահարկում կա: Վստահ եմ, որ մեր տղերքը հանդգնեցին և այն ժամանակվա իշխանություններին հակառակվելով՝ ազատագրեցին Շուշին:
Մենք ազատագրել ենք, չենք գրավել Շուշին: Իրենք էլ չեն գրավել, որովհետև մինչև կապիտուլյացիոն հայտարարության ընդունվելը, Շուշիում կային հայկական ռազմական ուժեր և ռազմական առումով Շուշին հանձնված չի եղել. թուրքը, թե ադրբեջանցին Շուշին չեն գրավել, Շուշին հանձնվել է: Իսկ այն ժամանակ՝ 92թ. մայիսի 8-ին, թուրքը՝ ադրբեջանցին, ոչ թե հանձնել է Շուշին, այլ խուճապահար փախել է: Եվ դրանք համեմատության մեջ դնելը կոպտագույն սխալ է»:
Մանրամասները՝ տեսանյութում: