«Ես 31 տարի հետո՝ 2020թ. սեպտեմբերի 21-ին վերադարձա Հայաստան՝ մեծ ծրագրերով: Ցավոք սրտի սեպտեմբերի 27-ին սկսվեց արհավիրքը, հետո համաճարակը: Հիմա կամաց-կամաց փորձում ենք հունի մեջ մտնել: Հասկացանք, նոր միայն աշխատանքով է հնարավոր մեղմել վշտը: Այս մասին «Առաջին լրատվական»-ի հետ զրույցում նշեց օպերային երգչուհի, Հայաստանի ժողովրդական արտիստ Հասմիկ Պապյանը՝ տեղեկացնելով, որ առաջիկայում նախատեսվում է առաջիկայում բեմադրել Գլյուկի «Օրփեոս» օպերան:
«Այն համոզմունքն ունեմ, որ այս պահին մեր ժողովրդին անհրաժեշտ է հանգստացնող, երջանիկ ավարտով, հուսադրող ստեղծագործություն: Պետք է դուրս գանք դուդուկի կոդավորումից»,- նշեց Պապյանը:
Նա նաև նշեց, որ մեծ ծրագիր ունի՝ համախմբելու նաև Սփյուռքի տաղանդավոր մշակութային գործիչներին՝ նրանց ներուժն օգտագործելու երիտասարդներին կրթելու գործում:
«Մշակույթը կարևոր է մյուս կենսական պահանջներից: Եթե սպասենք, որ բոլորը կուշտ լինեն, տանիք ունենան և բարեկեցիկ կյանքով ապրեն, գործը մշակույթին չի հասնի: Պետք է հիշենք, որ 1924թ.՝ Ցեղասպանությունից 9 տարի հետո, Մյասնիկյանն իր շուրջը համախմբեց ավելի քան մեկ տասնյակ արվեստագետների, որոնք եկան և մեր երկիրը, որ ցնցոտիների ու ցեխի մեջ էր, բարձրացրին, շենացրին մեր երկիրը: Այսօր կրկին մշակույթով փրկվելու ժամանակն է»:
Մանրամասները՝ տեսանյութում: