ՌԴ քննչական կոմիտեն Ալիկ Ռիժի մականունով օրենքով գող Ալի Հեյդարովի ենթադրյալ մարդասպանի հարցաքննության տեսանյութ է հրապարակել: Ձերբակալվածի անունը Մաթլաբ Սուլթանով է:
Նրան բերման են ենթարկել ՌԴ ՔԿ-ի Մոսկվայի գլխավոր քննչական վարչության Հյուսիսարևմտյան վարչական շրջանի քննչական վարչություն: Կասկածյալը խոստովանել է, որ իրեն բերման են ենթարկել սպանության համար:
Միևնույն ժամանակ, Mash Telegram-ալիքի հրապարակած տեսանյութից դատելով, տղամարդն այն պատվիրված չի համարում: Ըստ նրա, դա տեղի է ունեցել այն պատճառով, որ Ալիկ Ռիժին իբր սկսել է իրեն ինչ-որ բանի համար հանդիմանել: Սուլթանովը հերքում է, որ հանցագործությունը կատարել է փողի դիմաց:
Հեյդարովը գնդակահարվել է ապրիլի 12-ի կեսօրին, Ավիացիայի փողոցում գտնվող մոսկովյան ֆիթնես ակումբում:
