Գերմանիայում կորոնավիրուսով ախտահարման նոր դեպքերի թիվն անցած օրն ավելացել է 13245-ով: Այդ մասին են վկայում Ռոբերտ Կոխի անվան Վիրուսաբանության ինստիտուտի (ենթարկվում Է Գերմանիայի առողջապահության նախարարությանը)՝ ապրիլի 12-ին հրապարակված տվյալները:
Համավարակի սկզբից ի վեր, այսպիսով, վարակ է հայտնաբերվել Գերանիայի 3.011.513 բնակչի մոտ: Կորոնավիրուսի հարուցած հիվանդության հետեւանքներից երկրում 24 ժամում մահացել է 99 հիվանդ: Համաճարակի ամբողջ ժամանակամիջոցում Գերմանիայում մահացու վախճանների ընդհանուր թիվը հասել է 78452-ի:
Ներկայումս ԳԴՀ-ի 100 հազար բնակչին բաժին Է ընկնում վարակման 136.4 դեպք: Այս պահին Գերմանիայում գործում է կարանտին, բայց ոչ այնպես խիստ, ինչպես ձմռանը: Բաց են դպրոցներն ու մանկապարտեզները, վարսավիրանոցները, կոսմետիկայի սրահները, գրախանութներն ու ծաղկի խանութները: Առանց կորոնավիրուսի թեստի կարելի է այցելել հիմնականում սուպերմարկետներ: Վարակվածների թվի աճը հունվարին եւ փետրվարին կրճատվել է, բայց մարտ ամսից ցուցանիշները կրկին սկսել են ավելանալ: Փորձագետները դա բացատրում են կորոնավիրուսի ավելի վարակիչ հանրԷահիմքի տարածմամբ: Սահմանափակիչ միջոցները երկարաձգվել են մինչեւ ապրիլի 18-ը, սակայն բացառված չէ, որ դրանք կարող են խստացվել, հաղորդել է ՏԱՍՍ-ը: