Վրաստանի Առողջապահության նախարարության Հիվանդությունների վերահսկման և հանրային առողջության ազգային կենտրոնի գլխավոր տնօրեն Ամիրան Գամկրելիձեն հաղորդել է, որ հանրապետությունում սկսվել է կորոնավիրուսային վարակի երրորդ ալիքը: Նրա խոսքով՝ Վրաստանի իշխանությունները հույս ունեն, որ վարակի տարածումը «հնարավորինս կառավարելի» կդառնա։
«Վարակի տարածման բոլոր օջախները կապված են մարդկանց մեծ կուտակումների հետ. հարսանիքներ, հոգեհանգստյան արարողություններ, ծննդյան օրեր և այլն», – ասել է Գամկրելիձեն «Ռուսթավի 2» հեռուստաալիքի եթերում:
Գամկրելիձեն հավելել է, որ վերջին ժամանակներս Վրաստանում հիվանդության ամենաշատ դեպքերը կապված են COVID-19 «բրիտանական» շտամի հետ: