Նիդեռլանդացի լրագրողները հայտարարել են, որ իրենց հասանելի է դարձել 2014թ.-ի հուլիսին Ուկրաինայում Boeing-ի կործանման վերաբերյալ քրեական գործի չորս դերակատարներից մեկի՝ Սերգեյ Դուբինսկիի հազարավոր գաղտնալսված հեռախոսային խոսակցությունները: Զրույցների բովանդակությունը հրապարակվել է Nieuwsuur ծրագրի կողմից:
Լրագրողները նշում են, որ ձայնագրությունն արվել է ՈՒԱԾ-ի կողմից: Նրանք պնդում են, որ դրանք հաստատում են վարկածը, որ ինքնաթիռը խոցվել է «Բուկ» զենիթային համակարգից արված կրակոցով: Բանակցությունների նյութերի հիման վրա վերականգնվել է իրադարձությունների ընթացքը: Բերված փաստերի համաձայն, Դուբինսկին մի քանի ժամ շարունակ չի իմացել, որ Ուկրաինայի արևելքում աշխարհազորայինները Boieng են «խոցել»: Ի դեպ, Հաագայում Դուբինսկիին անվանում են ԴԺՀ ՀԳՎ-ի նախկին ղեկավար:
Հաղորդվում է, որ հրապարակվել են Դուբինսկիի 12 հեռախոսային խոսակցությունները, բայց դրանք իրականում շատ ավելին են:
Հոլանդական կողմի վարկածի համաձայն, ինքնաթիռի կործանման մեջ ներգրավված են եղել ԴԺՀ ՊՆ նախկին ղեկավար Իգոր Ստրելկովը և նրա ենթականեր Սերգեյ Դուբինսկին, Օլեգ Պուլատովը և Լեոնիդ Խարչենկոն: Վթարի հետևանքով զոհվել է 298 մարդ: