Ֆրանսիայում մեկ օրում 43 հազար մարդ է վարակվել կորոնավիրուսով, դեպքերի ընդհանուր թիվը գերազանցել է հինգ միլիոնը: Այս մասին գրում է «ՌԻԱ Նովոստի»-ն՝ հղում անելով երկրի առողջապահության նախարարությանը:
«Անցած տարվա մարտից Ֆրանսիայում կորոնավիրուսով վարակվել է 5.023.785 մարդ»,- ասվում է հաղորդագրության մեջ:
Նշվում է, որ ապրիլի 8-ին երկրում հայտնաբերվել է 85 հազար դեպք, ինչը ռեկորդային է վերջին վեց ամսվա ընթացքում: Մասնագետներն ընդգծել են, որ հոսպիտալացված հիվանդների թիվն աճել է՝ հասնելով 30 հազարի: Ներկայումս վերակենդանացման բաժանմունքներում է գտնվում 5.8 հազար հիվանդ:
Անցած օրվա ընթացքում մահացել է ևս 207 մարդ, համավարակի սկզբից ի վեր մահացել է 98 հազար մարդ: Երկրում այս պահի դրությամբ պատվաստվել է 10.5 միլիոն մարդ, նրանցից 3.6 միլիոնն արդեն ստացել են երկրորդ դեղաչափը: