Նոր հետազոտությունը նախազգուշացնում է, որ կղզիներում կենդանիների եզակի տեսակները, ներառյալ լեմուրները և Գալապագոսյան հսկա կրիան, կարող են անհետացման մեծ ռիսկի ենթարկվել, եթե մոլորակը նախաարդյունաբերական մակարդակից բարձր լինի ավելի քան 3 աստիճանով:
Կենսաբազմազանության 270 թեժ կետերի վերլուծությունը ենթադրում է, որ էնդեմիկ ծովային տեսակների գրեթե կեսը և էնդեմիկ լեռնային տեսակների 84%-ը բախվել են վերացման վտանգին, եթե մոլորակը տաքանա ավելի քան 3 աստիճանով, ինչը, եթե առկա միտումները պահպանվեն, կարող է տեղի ունենալ 2100 թվականին:
Սակայն գլոբալ ջերմաստիճանի բարձրացման պահպանումը 1.5°C-ով՝ թիրախային սահման, որ հաստատվել է Փարիզի համաձայնագրով, տասն անգամ կնվազեցնի գլոբալ ոչնչացման ռիսկը՝ համաձայն Biological Conservation ամսագրում հրապարակված հոդվածի:
Համաձայն գոյություն ունեցող հարյուրավոր հետազոտությունների վերլուծության՝ եթե աշխարհին հաջողվի պահպանել 1,5°C տաքացումը, ցամաքային էնդեմիկ տեսակների միայն 2%-ը կհայտնվի վերացման սպառնալիքի ներքո, 3°C-ից բարձր ջերմաստիճանի դեպքում՝ 20%-ը: Տեսակները համարվում են էնդեմիկ, եթե դրանք հանդիպում են միայն մեկ վայրում, օրինակ՝ կղզում, լեռնաշղթայում կամ առանձին երկրում:
Մադագասկարը, Ֆիլիպինները, Շրի Լանկան, ինչպես նաև Կարիբյան ջրավազանի և Հնդկական օվկիանոսի կղզիները կարող են կորցնել բույսերի բոլոր էնդեմիկ տեսակները առաջիկա 30 տարիների ընթացքում: Մադագասկարում լեմուրները, Հարավային Աֆրիկայում կապույտ կռունկները, Գալապագոսյան կղզիներում հսկա կրիաները և Հիմալայներում ձյունե ընձառյուծները պատկանում են այն կենդանիների թվին, որոնց վտանգ է սպառնում:
