Մեծ Բրիտանիայի թագուհի Եղիսաբեթ Երկրորդը չի հրաժարվի գահից իր ամուսնու՝ արքայազն Ֆիլիպի մահից հետո՝ կարծում են բրիտանացի փորձագետները, որոնք հարցազրույց են տվել Reuters-ին:
«Կարող եմ հավաստիացնել, որ թագուհին չի հրաժարվի գահից: Բոլոր նշանները կան, որ թագուհին շատ լավ առողջություն ունի, և, բարեբախտաբար, նա կմնա մեր թագուհին որքան հնարավոր է երկար», – ասել է արքայական պատմաբան Հյուգո Վիկերսը:
Միևնույն ժամանակ, փորձագետները խոստովանել են, որ Եղիսաբեթ Երկրորդը էլ ավելի մեծ պարտականություններ կփոխանցի իր 72-ամյա որդուն՝ արքայազն Չարլզին և թագավորական ընտանիքի մյուս անդամներին:
«Չնայած այն հանգամանքին, որ թագուհին կարող է մի փոքր նահանջել, և մենք ավելի հաճախ կտեսնենք, որ արքայազններ Չարլզն ու Ուիլյամը ներկայացուցչական աշխատանք են կատարում, նա, այնուամենայնիվ, կշարունակի գահակալել»,- հավաստիացրել է թագավորական մեկ այլ պատմաբան՝ Ռոբերտ Լեյսին: