Խնդրահարույց Boeing 737 MAX ինքնաթիռի թռիչքները կրկին դադարեցվել են, այս որոշումն ընդունել են երկու ամերիկյան ավիաընկերություններ՝ Southwest Airlines-ը և American Airlines-ը: CNN-ի փոխանցմամբ՝ այս անգամ ինքնաթիռներում էլեկտրականության խնդիր է հայտնաբերվել:
Boeing-ը իր 16 հաճախորդներին ծանուցել է 737 MAX ինքնաթիռների հատուկ խմբաքանակի հնարավոր էլեկտրական խնդիրների մասին: Խոսքը վերաբերում է էլեկտրամատակարարման համակարգում բաղադրիչների հողանցմանը: «Մենք սերտորեն համագործակցում ենք ԱՄՆ Դաշնային ավիացիոն վարչության (FAA) հետ այդ արտադրական խնդրի շուրջ», – ասել է ընկերությունում:
Ինչպես պարզաբանում է ՏԱՍՍ-ը, Southwest Airlines-ը իր թռիչքների ժամանակացույցից ժամանակավորապես հանել է 58 Boeing 737 MAX ինքնաթիռներից 30-ը, American Airlines-ը դադարեցրել է իր տրամադրության տակ գտնվող 24 այդպիսի ինքնաթիռներից 17-ի թռիչքները: