Ուկրաինայի նախագահ Վլադիմիր Զելենսկին Դոնբասում գտնվելու երկրորդ օրը այցելել է Դոնեցկի մարզի Ավդեևկա քաղաք, որտեղ սելֆի է արել: Համապատասխան գրառումը հրապարակվել է նրա Instagram-ի էջում:
«Ավդեևկա. Պրոմկա: Բրուսյա: Բարի լույս»,- գրառման տակ գրել է Ուկրաինայի ղեկավարը:
Լուսանկարում Ուկրաինայի առաջնորդը պատկերված է Puma ապրանքանիշի սև մարզահագուստով:
Զելենսկին որպես գերագույն գլխավոր հրամանատար Դոնբաս է ժամանել ապրիլի 8-ին, որտեղ կայցելի առաջնագիծ՝ շփման գծում իրավիճակի սրման ֆոնին: Նա մտադիր է շփվել առաջնագծում ծառայող զինվորականների հետ և բարոյապես աջակցել նրանց: