Ապրիլի 8-ի երեկոյան հայտարարվեց հայ ռազմագերիների նոր խմբի հայրենիք վերադարձի մասին, որից հետո, սակայն, օդանավակայանում պարզվեց, որ ռուսական օդանավը Բաքվից վերադառնում է դատարկ:
Գերիների նոր խմբի վերադարձի մասին տեղեկությանը նախորդել էր Պուտին-Ալիև զրույցը, որ տեղի ունեցավ Պուտին-Փաշինյան մոսկովյան հանդիպումից հետո: Այդ հանդիպմանը Հայաստանի վարչապետը բարձրաձայնել էր գերիների վերադարձի մասին և նշել, թե Ռուսաստանի նախագահի հետ այդ հարցում ունեն նույնական մոտեցում: Հանդիպումից հետո վարչապետ Փաշինյանը հայտարարեց, որ պայմանավորվել են ինտենսիվացնել աշխատանքը այդ խնդրի լուծման ուղղությամբ: Թեմայի շուրջ «Առաջին լրատվական»-ը զրուցել է քաղաքագետ Նարեկ Մինասյանի և ԱԺ «Իմ քայլը» խմբակցության պատգամավոր Միքայել Զոլյանի հետ:
