Ինչպես հաղորդում է France-Presse գործակալությունը, հետաքննությանը մոտ կանգնած աղբյուրները հայտնել են, որ Փարիզում հարձակման է ենթարկվել George V հայտնի շքեղ հյուրանոցը:
«Ապրիլի 8-ի երեկոյան, ժամը 21.30-ի սահմաններում, երկու զինված կողոպտիչ ներխուժել են հյուրանոց, կոտրել են ցուցափեղկերը, որտեղ պահվում էին հայտնի ընկերությունների զարդեր, ինչից հետո փախուստի են դիմել գողացված զարդերով: Ոստիկանությունը փնտրում է հանցագործներին», – ասվում է հաղորդագրության մեջ: ,
Նշենք, որ «լյուքս» դասի հյուրանոցը կառուցվել է Փարիզի VIII թաղամասում, Գեորգ V- ի պողոտայում, 1928 թվականին՝ ամերիկացի գործարար և ճարտարապետ Ջոել Հիլմանի պատվերով: Անցյալ դարի 90-ական թվականներին վերակառուցվելուց հետո այն բազմիցս ճանաչվել է որպես «աշխարհի լավագույն հյուրանոց»: