Չինաստանը պլանավորում է սկսել ևս մեկ տիեզերակայանի շինարարությունը երկրի մայրցամաքային մասում, որը կգտնվի Չժեցզյանի արևելյան նահանգի Նինբո քաղաքի Սյանշանի գավառում: Ապրիլի 8-ին այդ մասին գրել է «Չժունգո հանտյանբաո» թերթը՝ վկայակոչելով նահանգի իշխանությանը։
Այդ նախագծում ընդհանուր ներդրումները 14-րդ հնգամյակի (2021 – 2025 թվականներ) տարիներին կկազմեն շուրջ 20 միլիարդ յուան (շուրջ 3 միլիարդ դոլար): Առևտրային տիեզերական արձակումների միջազգային կենտրոնը կտեղավորվի 67 քառակուսի կիլոմետր ընդհանուր տարածության վրա: Այն կներառի տիեզերակայանի մեկնարկային հրապարակը և արդյունաբերական համալիրը:
Նախագծի համաձայն՝ շինարարության ավարտից հետո տիեզերակայանից կարելի կլինի իրականացնել տարեկան մինչև 100 տիեզերական արձակում: Ներկայումս Չինաստանի մայրցամաքային մասում կա երեք տիեզերակայան. Ցզյուզյուանը (Գանսուի հյուսիս – արևմտյան նահանգ), Տայուանը (Շանսիի հյուսիսային նահանգ) և Սիչանը (Սիչուանի արավ – արևմտյան նահանգ): Եվս մեկ տիեզերակայան Է կառուցված Վենչան քաղաքի շրջանում Հայնանի կղզի նահանգում:
Սյանշանի գավառում նոր տիեզերակայանը գտնվում է մոտավորապես նույն լայնության վրա, ինչ որ Սիչանի մեկնարկային հրապարակը: Չինաստանն ակտիվորեն զարգացնում է ազգային տիեզերական ծրագիրը՝ մշակելով օդերևութաբանական, հեռահաղորդակցական և նավիգացիոն արբանյաներ, ինչպես նաև տեխնոլոգիաներ Լուսնի յուրացման համար: Չինացի գիտնականները նաև իրականացնում են աստղակերպերի և Մարսի հետազոտության նախագիծ, որի մակերևույթի ինտենսիվ ոուսումնասիրմանը նրանք մտադիր են ձեռնամուխ լինել մոտ ժամանակներս: