ՌԴ անվտանգության խորհրդի քարտուղար Նիկոլայ Պատրուշևը ասել է, որ Ռուսաստանի Դաշնության Անվտանգության խորհրդի ենթադրության համաձայն, Ռուսաստանի և Չինաստանի սահմանների մոտ ԱՄՆ վերահսկողության տակ գտնվող լաբորատորիաներում կենսաբանական զենք է մշակվում: Այս մասին նա հայտարարել է «Կոմերսանտ» թերթին տված հարցազրույցում:
Լրագրողի այն հարցին, թե կարո՞ղ են ամերիկացիները կենսաբանական զենք մշակել նման լաբորատորիաներում, Պատրուշևը դրական է պատասխանել և հավելել է, որ այդ ենթադրության համար «ծանրակշիռ հիմքեր կան»:
Անվտանգության խորհրդի քարտուղարը հավելել է, որ աշխարհում, հատկապես Ռուսաստանի և Չինաստանի սահմանների մոտ, ակտիվորեն ավելանում է նոր կենսաբանական լաբորատորիաների քանակը, որոնք վերահսկվում են ԱՄՆ-ի կողմից։
«Մեզ ասում են, որ մեր սահմանների մոտ գործում են խաղաղ սանիտարահամաճարակային կայաններ, բայց ինչ-ինչ պատճառներով դրանք ավելի շատ հիշեցնում են Մերիլենդ նահանգի Դեթրիկ քաղաքը, որտեղ ամերիկացիները տասնամյակներ շարունակ աշխատում են ռազմական կենսաբանության ոլորտում», – բացատրել է Պատրուշևը:
Նրա խոսքով ՝ հարակից տարածքներում հիվանդությունների բռնկումներ են գրանցվել, որոնք բնորոշ չեն այս տարածաշրջաններին: