Թուրքիայի նախագահ Ռեջեփ Էրդողանն ասել է, որ 103 պաշտոնաթող թուրք ծովակալների ստորագրած նամակը՝ ի պաշտպանություն Մոնտրյոյի կոնվենցիայի, անընդունելի է: Նրա խոսքով՝ բանակն իրավունք չունի խառնվելու քաղաքականությանը:
Հեռուստատեսային ուղերձում Էրդողանը շեշտել է, որ նման գործողությունը «կեսգիշերին անընդունելի է մի երկրում, որտեղ եղել են ռազմական հեղաշրջումներ»: «Նույնիսկ եթե նրանք ծովակալներ լինեին, նրանք իրավունք չունեն զրպարտելու մեր քաջարի բանակին», – ասել է Էրդողանը:
Ըստ Թուրքիայի առաջնորդի՝ նման բաները «ստվեր են գցում բանակի վրա, կոտրում են նրա բարոյականությունը»: Նա նաև ասել է, որ հեղաշրջման ակնարկների հետ կապված օրենսդրության շրջանակներում լուծվող հարցեր բարձրացնելու փորձերը ուղղակի սպառնալիք են Թուրքիայի սահմանադրության համար:
Միևնույն ժամանակ, Էրդողանը հաստատել է իր հավատարմությունը Մոնտրյոյի կոնվենցիային՝ նամակի հրապարակման ֆոնին:
Այնուամենայնիվ, եթե ապագայում կոնվենցիայից դուրս գալու հարց ծագի, ապա Թուրքիայի իշխանությունները նման թեմա կբացեն հանուն «ավելի լավ պայմանների»:
