Մեծ Բրիտանիայում տարեկան գրանցվում է ծխելու հետևանքով առաջացող քաղցկեղի շուրջ 4000 դեպք: Սրանք այն դեպքերն են, որոնք իսկապես կարելի է կանխել: Ինչպես նշում է Քաղցկեղի Յորքշիրի Հետազոտության Կենտրոնի Գործադիր տնօրեն դոկտոր Քեթրին Սքոթը՝ թոքերի քաղցկեղի 10 դեպքերից 7-ը կապված են ծխելու հետ, և դրանք շատ հեշտությամբ կարելի է կանխել:
Ծխելը Յորքշիրում վաղաժամ մահերի հիմնական պատճառն է: Բրեդֆորդի բժշկական կենտրոնի գլխավոր բժիշկ Ամիր Քհանի խոսքով՝ «Ծխելը պարունակում է շուրջ 6000 վնասակար քիմիական նյութ: Եթե լավ մտածենք՝ չկա մեկ այլ բան, որ մեր օրգանիզմին ենթարկի 6000 քիմիական նյութերի ազդեցության»:
Ինչպե՞ս նվազեցնել վնասը
Ծխելու վնասը հնարավոր է նվազեցնել՝ կիրառելով նիկոտինի մատակարարման այլընտրանքային համակարգեր՝ այդ թվում՝ էլ. սիգարետ կամ ծխախոտի տաքացման համակարգեր: Այս սարքերը նույնպես պարունակում են նիկոտին, սակայն այրման բացակայության արդյունքում օրգանիզմին հասցվում է 95%-ով ավելի քիչ վնաս:
Չնայած բազմաթիվ գիտական հետազոտություններ ու ուսումասիրություններ ապացուցում են այլընտրանքային արտադրատեսակների արդյունավետությունը ծխելու դեմ պայքարում, դեռևս գոյություն ունեն ապակողմնորոշող տեղեկություններ վեյփինգի ու ծխախոտի տաքացման համակարգերի վերաբերյալ, որոնք հանրության շրջանում սխալ կարծիք են ստեղծում վերը նշված սարքերի մասին:
«Ամենացավալի առասպելներից մեկն այն է, որ որոշ մարդիկ նշում են, որ վեյփինգը նույնքան վնասակար է, որքան ծխելը։ Մեծ Բրիտանիայի ծխողների մոտ մեկ երրորդն իսկապես հավատում է դրան։ Դա բացարձակ սուտ է», նշում է Լիամ Համբերստորմը Վեյփի Վաճառքի Անկախ Բրիտանական Ասոցիացիայից։ «Մեկ այլ առասպել է այն, որ մեզ ոչինչ հայտնի չէ էլ․ սիգարետի մասին։ Իրականում, էլ․ սիգարետը հավանաբար մեր ժամանակի ամենախորապես ուսումնասիրվող ոլորտներից մեկն է», ասում է Լոնդոնի Համալսարանական Քոլեջի ավագ հետազոտող, բժիշկ Շերոն Կոքսը։
Խոսելով վեյփինգի նկատմամբ Առողջապահության Համաշխարհային Կազմակերպության դիրքորոշման մասին՝ Վեյփի Վաճառքի Բրիտանական Անկախ Ասոցիացիայի ներկայացուցիչ Լիամ Համբերսթոնը նշում է. «Կարծում եմ, որ ինչ-որ պահի նրանք (ԱՀԿ) պետք է ընդունեն ծխախոտի վնասի նվազեցման գաղափարը, այլ ոչ թե ուղղակի առաջ տանեն այն միտքը, որ նիկոտինն ընդհանրապես պետք է բացառել: Դա պարտադիր չէ: Ծխելու հասցրած վնասն է, որ անհրաժեշտ է բացառել»:
Կարևորագույն հարցերից մեկը, որ բարձրացնում է Քազղցկեղի Հետազոտության Յորքշիրի Կենտրոնը երիտասարդների կողմից դրա չնախատեսված օգտագործումը սահմանափակելն է:
Դոկտոր Շերոն Կոքսն ընդգծում է. «Կարևորն այն է, որ մենք արտադրանքը երիտասարդների համար ոչ գրավիչ և անհասանելի դարձնենք, բայց նույնը չանենք այն չափահաս ծխողների համար, ովքեր դրա կարիքն ունեն»:
Միաժամանակ, նշվում է էլ. սիգարետի նկատմամբ անկողմնակալ գիտության կիրառման կարևորությունը:
«Որոշ մարդիկ գրեթե սկզբունքորեն դեմ են էլ. սիգարետի օգտագործմանը և փնտրում ու ներկայացնում են առողջության ցանկացած պատմություն, որը ցույց կտա, որ դրանք կարող են վնասակար լինել», նշում է Leeds Teaching Hospitals NHS Trust հիվանդանոցի շնչառական բժիշկ, խորհրդատու, պրոֆեսոր Մեթյու Կալլիսթերը:
Երկարաժամկետ 2 ծխողներից մեկը մահանում է ծխելու հետևանքով առաջացող հիվանդություններից ծխելը չթողնելու դեպքում: Վեյփային արտադրատեսակների շնորհիվ Յորքշիրում մոտ 5000 ծխողներ թողնում են ծխելը: Երբևէ ուշ չէ հրաժարվելու այս մահացու սովորությունից: