Ուկրաինան պատժամիջոցներ է սահմանել Լեհաստանի, ԱՄԷ-ի, Շվեյցարիայի և Էստոնիայի ընկերությունների նկատմամբ: Համապատասխան հրամանագիրը ստորագրել է երկրի նախագահ Վլադիմիր Զելենսկին:
«Ուժի մեջ մտցնել Ուկրաինայի Ազգային անվտանգության և պաշտպանության խորհրդի 2021 թվականի ապրիլի 2-ի «Անձնական հատուկ տնտեսական և այլ սահմանափակող միջոցներ (պատժամիջոցներ) կիրառելու մասին» որոշումը»,- ասվում է փաստաթղթում:
Սահմանափակումները կգործեն երեք տարի: Պատժամիջոցների տակ է հայտնվել Շվեյցարիայում գրանցված Prometey Swiss Sa ընկերությունը, որի տնօրենը ռուսաստանցի Վասիլի Սոլդատովն է: Կիևը սահմանափակումներ է մտցրել նաև լեհական Binboro Sp. Z.o.o. և Oil House Sp. Z.o ընկերությունների նկատմամբ, որոնք գրանցված են ԱՄԷ-ի Commodities Trading Limited-ում, ինչպես նաև ընդդեմ էստոնական Agro White Company OU ընկերության:
Այս որոշման պատճառները չեն նշվել: Պատժամիջոցները ենթադրում են ակտիվների արգելափակում, առևտրային գործողությունների սահմանափակում, ռեսուրսների տարանցման, Ուկրաինայի տարածքով թռիչքների և բեռնափոխադրումների դադարեցում և այլն:
