Գամալեայի կենտրոնի տնօրեն Ալեքսանդր Գինցբուրգն ասել է, որ «Սպուտնիկ Լայթ»-ով պատվաստումը կրկնակի նվազեցնում է կորոնավիրուսով վարակվելու վտանգը:
«Գոյություն ունի «Լայթ» տարբերակը, որը «Սպուտնիկ V» պատվաստանյութի առաջին բաղադրիչն է»,- բացատրել է միկրոկենսաբանը «Ռոսիա 1» հեռուստաալիքի եթերում:
Նրա խոսքով, եթե դեղամիջոցն օգտագործվում է առանց երկրորդ դեղաչափի, դա հնարավորություն է տալիս 50-60%-ով նվազեցնել վարակվելու վտանգը:
Մարտի 29-ին ՌԴ առողջապահության նախարարությունը սկսել է «Սպուտնիկ Լայթ» կորոնավիրուսի դեմ պատվաստանյութի գրանցման գործընթացը: Դրանից առաջ Մոսկվայում իրականացվել է պատվաստանյութի հետազոտության մասնակիցների պատվաստում:
