Վրաստանի նախկին նախագահ Միխաիլ Սահակաշվիլին ռուսաստանցի հեռուստահաղորդավար Վլադիմիր Պոզներին երկրի թշնամի ու «ԿԳԲ-ի հին գործակալ» է անվանել: Այս մասին Սահակաշվիլին ասել է Facebook-ում տեսաուղերձով՝ հաղորդում է Georgia Online- ը:
«Պոզները ԿԳԲ-ի հին գործակալ է, որին Պուտինը դուրս բերեց 2008 թ.: Նա Վրաստանի անասելի թշնամին է»,- հայտարարել է Սահակաշվիլին:
Մեկնաբանելով Պոզների այցը Թբիլիսի և դրան հաջորդած բողոքի ակցիաները հեռուստահաղորդավարի դեմ՝ Սահակաշվիլին ասել է, որ «հյուրին պետք է վերաբերվել որպես հյուրի, իսկ թշնամուն՝ որպես թշնամու»:
Ըստ քաղաքական գործչի՝ Պոզների այցի դեմ ընդվզած վրացի երիտասարդների արձագանքը իրեն հպարտություն է ներշնչել: