«Սատիրան պետք է լինի ծիծաղելի ու բարի: Պետք է աշխատես մարդկանց չվիրավորել, չնայած դա շատ դժվար է մեզանում, որովհետև այնպիսի օդիոզ, այլանդակ ֆիգուրներ ունենք, որ ուղղակի ուզում ես թքել երեսներին, բայց այդ ժանրում քեզ թույլ չես տալիս: Այդ ժանրում իմ մոտիվացիան ժպիտ առաջացնելն է, ոչ թե մարդուն ցեխը մտցնելը»,- այս մասին «Առաջին լրատվական»-ի հետ զրույցում նշեց դերասան, քաղաքական սատիրիկ Սերգեյ Դանիելյանը:
Դիտարկմանը, որ Հայաստանում տեղի ունեցողը, շատերի կարծիքով, քաղաքական կրկես է, Դանիելյանը նշեց, որ իր համար կրկեսը շատ լուրջ արվեստ է, կրկեսում, ինչպես և թատրոնում նվիրյալներ են աշխատում, և ինքը կողմ չէ այդպիսի «տխմար ձևակերպումներին»:
«Մեզ մոտ, ինչպես և ամբողջ աշխարհում հին աշխարհի փլուզում է տեղի ունենում, հին աշխարհը քանդվում է, դիմադրում է դրան, և ինչքան դիմադրում է, այնքան ավելի ծիծաղելի է դառնում: Ես սպասողական այնպիսի դիրք եմ բռնել, որտեղ կարելի է հնարավորինս քիչ վնասվել: Հասկանում եմ, որ փուչիկը պայթում է, մեզ համար ցավոտ մասն այն է, որ մենք էլ ենք փուչիկի մեջ ապրել, մեր սուվերենությանը լուրջ ենք վերաբերվել, բայց այսօր պարզվում է, որ դրանք «հավայի» բաներ են: Պետք է միավորվենք, որպեսզի քիչ տուժենք:
Նախկիններն ուզում են փրկել իրենց փողերը, իսկ ներկաները՝ գոտկատեղից ներքև գտնվող իրենց փափուկ հատվածը»,- նշեց դերասանը:
Մանրամասները՝ տեսանյութում: