Ըստ թուրքական ԶԼՄ-ների՝ Ստամբուլում հրազենի օգտագործմամբ բախում է տեղի ունեցել Վրաստանից և Չեչնիայից ներգաղթյալների միջև: Ինչպես գրում է Hurriyet- ը, արդյունքում երկու մարդ սպանվել է, ևս երկուսը վնասվածքներով հոսպիտալացվել են:
Արյունոտ միջադեպը տեղի է ունեցել Բասաքշեհիրի տարածքում ՝ ռեստորանի մոտ: Անհայտ անձինք կրակ են բացել հաստատության մուտքի մոտ կանգնած մարդկանց վրա և արտասահմանյան պետհամարանիշներով մեքենայով փախել դեպքի վայրից: Տեսախցիկը արձանագրել է միջադեպը:
Հետաքննության նախնական վարկածի համաձայն՝ բախման պատճառը փողային խնդիրներն են: Բասաքշեհիրի շրջանի նահանգապետը հայտնել է, որ միջադեպի կապակցությամբ լայնածավալ հետաքննություն է սկսվել:
Հակասական լուրեր են շրջանառվում զոհվածների և վիրավորների թվի և նրանց անձի վերաբերյալ:
Լրատվամիջոցների մի մասը գրում է, որ դեպքի վայրում փոխհրաձգության ժամանակ սպանվել են ՌԴ երկու քաղաքացիներ, Վրաստանի քաղաքացի Ռ.Ռ.-ն տեղափոխվել է հիվանդանոց, բայց մահացել է վիրահատական սեղանի վրա: Եվս մեկ վիրավոր՝ Սիրիայի քաղաքացի Մ.Յ.-ն, որը վրացիների խմբից էր, հիվանդանոցում է:
