Ռուսաստանցի լրագրող Վլադիմիր Պոզները և նրա ուղեկիցները Թբիլիսիում տուգանվել են քովիդ-սահմանափակումները խախտելու համար:
Վրաստանի ՆԳՆ տվյալներով, պատվիրակության կազմում եղել է 41 մարդ, ոստիկանությունը նրանցից 32-ին վարչական պատասխանատվության է ենթարկել մեկուսացման և կարանտինի կանոնները խախտելու համար: Ինը մարդ չի խախտել կանոնակարգը, նշել են գերատեսչությունում:
Պոզները ժամանել է Թբիլիսի՝ իր ծննդյան օրը նշելու նպատակով: Երեկոյան նա իր ընկերների հետ գնացել է ճաշելու թբիլիսյան Vinotel-ում:
Միևնույն ժամանակ, Vinotel-ի մոտ են հավաքվել քաղաքացիական ակտիվիստներ և քաղաքական գործիչներ, որոնց վրդովեցրել է, որ Վրաստանի տարածքային ամբողջականությունը չճանաչող հայտնի լրագրողին թույլ են տվել մուտք գործել երկիր և սոցիալական միջոցառում անցկացնել՝ չնայած խիստ սահմանափակումներին: Արդյունքում Պոզները և նրա հյուրերը լքել են հաստատության տարածքը ոստիկանության օգնությամբ, բայց ցուցարարները շարունակել են ակցիան նոր վայրում՝ Rooms հյուրանոցի մոտ:
Այսօր առավոտյան Պոզները և նրա ուղեկիցները մեկնել են Վրաստանից Airzena ավիաընկերության չարտերային չվերթով: