Monday, 19 04 2021
Արմեն Սարգսյանի արածը նման է քաղաքական դեմարշի
Արմեն Սարգսյանի արածը նման է քաղաքական դեմարշի
13:33
Մակրոնը հայտարարել է, որ «Սպուտնիկ V»-ի կիրառումը չի լուծի պատվաստման արագացման հարցը Եվրամիությունում
Տոկիո-2020. Քանի մարզիկ կներկայացնի Հայաստանը. ակնկալվող մեդալների քանակը
13:28
Աշխարհում կորոնավիրուսի դեպքերի թիվը գերազանցել է 140 միլիոնը. ԱՀԿ
Ի՞նչ միջոցառումներ են նախատեսված Երևանում ապրիլի 24-ին
13:21
Բայդենն ամերիկացիներին հորդորել է չհապաղել կորոնավիրուսի դեմ պատվաստման հարցում
Ուղիղ. Արցախում ծառայող զինվորների հարազատներին վարչապետը հրավիրել է հանդիպման
Դեսպան Մինասյանն ու Ռումինիայի հայ կաթոլիկ համայնքի առաջնորդը քննարկել են Արցախի դեմ Ադրբեջանի սանձազերծած պատերազմի հետևանքները
ԱՄՆ պատժամիջոցները՝ ընդդեմ Ռուսաստանի, կօգնեն Հայաստանին ազատվել ռուսական գաղութային լծից
12:58
Կոլումբիայի փրկարարները 11 հանքագործների մարմիններ են հանել հանքահորից
Ուզում ենք վարչապետը մեզ մի դրական պատասխան տա․ ժամկետային զինծառայողի մայր
Խաղաղապահների մասնակցությամբ Ստեփանակերտում անց է կացվել Հաղթանակի օրվան նվիրված շքերթի փորձը
Տեսնենք մեր վարչապետը ինչ կասի․ ժամկետային զինծառայողի ծնողները կհանդիպեն Փաշինյանի հետ
12:35
Օսթինում երեք մարդ Է զոհվել գնդակոծության հետևանքով
ՊՆ-ն խորը քնի մեջ է․ վարչապետին սուտ են զեկուցում․ ժամկետային զինծառայողի հայր
12:20
«Գալաքսի» ընկերությունների խումբը 2020 թվականին ավելի քան 11,5 միլիարդ դրամի հարկային վճարումներ է կատարել
Նախագահը մի շարք օրենքներ է ստորագրել
12:01
Եվրոպական առաջատար ակումբները հայտարարեցին Սուպերլիգայի ստեղծման մասին
Ալիևի վրա ամերիկա-ռուսական ճնշման ուրվագիծը
Մեղադրանք է առաջադրվել Իսրայելում ՀՀ դեսպանին
11:40
Բրիտանիան նոր օրենք է մտցնում Ռուսաստանի և Չինաստանի դեմ պայքարելու համար․ Times
«120 grammi» ընկերությունը կապ չունի Ադրբեջանում «Հաղթանակի թանգարանի» կառուցման հետ․ ԱԳՆ
«Տղա՛ս, թուրքը թուրք է, ի՛նչ ալ ընէ, խօսի կամ գրէ, պէտք չէ վստահիլ թուրքին»․ Արամ Ա
ՀՀ-ում COVID-19-ի 298 նոր դեպք է գրանցվել․ մահացել է 17 մարդ
ԵԽԽՎ-ն Հայաստանից հրավերի է սպասում
Պայմանագրային զինծառայողների ծառայության տարիքային շեմը կբարձրացվի. ԱԺ-ն երկրորդ ընթերցմամբ ընդունեց նախագիծը
10:40
Դոնեցկում և Լուգանսկում հայտարարել են Ուկրաինայի կողմից գնդակոծությունների մասին
10:30
Չիկագոյում 7-ամյա աղջիկ է զոհվել McDonald’s-ի մոտ տեղի ունեցած հրաձգության արդյունքում
10:20
Լուիզիանայում հինգ մարդ է տուժել հրաձգության հետևանքով

Մեր ժողովրդին չպետք է դնել հիմարի տեղ․ առանց վախենալու պետք է խոսել Թուրքիայի հարցով

«Առաջին լրատվական»-ի զրուցակիցն է հրապարակախոս, քաղաքագետ Հրանտ Տեր-Աբրահամյանը:

– Քաղաքական դիսկուրսը Հայաստանում, շատերի կարծիքով, անցել է բաց խաղաքարտերով տիրույթ, համաձա՞յն եք այդ մտքի հետ:

– Ճիշտը որ ասեմ՝ ես քաղաքական դիսկուրս չեմ տեսնում Հայաստանում: Պետք է արձանագրենք, որ Հայստանում չկա քաղաքական դիսկուրս, այն էլ՝ այս իրավիճակում, երբ պատերազմից անցել է ավելի քան 4 ամիս, և ոչ մի ֆունդամենտալ հարց չի քննարկվում, ոչ մի հարց լրջությամբ չի դրվել, իրավիճակի վերլուծություն և ախտորոշում չի կատարվել, պարտության պատճառների որևէ հիմնավոր հրապարակային վերլուծություն չի արվել ու գնահատական չի տրվել, և ելքի որևէ ծրագիր, որևէ հեռանկար այս ժողովրդին որևէ մեկի կողմից չի առաջարկվել: Տպավորություն է, որ ոչ ոք չի պատրաստվում խոսել մեր ժողովրդի հետ: Բոլորն իրենց խորհրդավոր ուղերձները, ակնարկները, կարծես, ուղղում են արտաքին աշխարհին: Մեզ ոչ ոք չի պատրաստվում ոչինչ ասել, մենք՝ ինքներս պետք է փորձենք ձևավորել իրական դիսկուրս, որովհետև դա բոլորիս կյանքի հարցն է:

– Հայաստանում նորից ծավալվում է հայ-թուրքական հարաբերությունների շուրջ դիսկուրս: Ինչ-որ բան հասկանո՞ւմ եք այս ամենից:

– Հասկանում եմ, որ այդ թեման ակտուալ է դառնում, իմ կարծիքով՝ ահավոր ուշացումով, և ուրախ եմ, որ մեր իշխող թիմի անդամներից մեկը՝ Արմեն Գրիգորյանը, փորձեց ինչ-որ բան ձևակերպել այս թեմայով և չվախեցավ:

– Եվ արժանացավ համապատասխան վերաբերմունքի:

– Դե բնական է, որ այդ թեման բարձրացնողը չի կարող չարժանանալ: Ուշացումով այս հարցը բարձրացվեց, դա պետք է արվեր մինչև պատերազմը: Իմ կարծիքով՝ առաջին հերթին պետք չէ վախենալ այդ թեմայի շուրջ բարձրաձայնելուց: Մի կողմ պետք է թողնել վերնախավային տվայտանքները, պարզ է, որ լինելու են կուսակցական տարբեր ըմբոստացումներ, պարզ է նաև, որ արտաքին այլևայլ գործոններին դուր չի գալու, որ այս թեման բարձրացվում է, թեկուզ պաշտոնապես ասեն, որ ամեն ինչ նորմալ է, ոչ պաշտոնապես փորձելու են խանգարել, բայց պետք է այս թեմայով խոսել ժողովրդի հետ, ոչ թե դիմել քաղաքական դաշտին, ակտիվին: Դիմեք ժողովրդին, պետք չէ վախենալ, ես վստահ եմ և հավատում եմ, որ մեր ժողովուրդը բավականաչափ ողջախոհ է, բավականաչափ պրագմատիկ և հասկացող է, և եթե ոչ թե աբստրակտ, այլ նորմալ բացատրես այս թեմայի կարևորությունը ու բացատրես, թե ինչու է դա պետք անել և ինչ ձևով կարելի է անել, և նորմալ պատասխանես հարցերին, այդ դեպքում մեր ժողովուրդը կհասկանա, կընկալի:

– Հետպատերազմյան այս ֆոնի՞ն:

– Հետպատերազմյան ֆոնին էլ, կարող եմ ասել, որ նախապատերազմյան ֆոնին էլ, միևնույն է: Երբեք հայ ժողովրդին չդնեք հիմարի տեղ, եթե ինչ-որ բան չի հասկանում, ուրեմն լավ չենք բացատրում կամ ճիշտ չենք բացատրում, հայ ժողովրդի մեծամասնությանը, վստահ եմ, հնարավոր է բոլոր մանրամասնություններով բացատրել այս թեմայի անհրաժեշտությունը: Բայց հիմա ես մտահոգություն ունեմ, որ կարող են նայել այս արհեստածին արձագանքներին, դրսից կառավարվող կամ նեղ կուսակցական շահերից բխող արձագանքներին… Եթե, օրինակ, այս թեմային դեմ է հանդես գալիս ՀՅԴ-ն, ես դրան ըմբռնումով եմ մոտենում, նախ՝ դա իր ավանդական դիրքորոշումն է, քաղաքական դաշտում դա իր դերն է…

– Դե ՀՅԴ-ն նաև դեմ էր «ֆուտբոլային դիվանագիտությանը»:

– Այո, սա ես նորմալ եմ ընդունում: Բայց այն, որ բացի Դաշնակցությունից, նաև այլ քաղաքական ուժեր կան, որոնք այս կամ այն չափով առնչվել են այս թեմայի հետ, և հիմա իրենք ուղիղ չեն հակադարձում, լռում են: Իրենք չպետք է սպասեին, որ իշխանությունն այս թեման բարձրացներ այսքան ուշացումով, իրենք պետք է նախաձեռնեին, իրենք պետք է իշխանությունից խլեին այդ թեման և ասեին՝ տեսեք սրանք այնքան անհասկացող են, որ նույնիսկ այս թեման չեն կարող բարձրաձայնել, և հիմա նրանք ոչ թե արձագանքողի, այլ նախաձեռնողի դերում կլինեին, և այդ դեպքում հասարակությունն իրենց կարող էր այլ աչքով նայել, լսել, որովհետև բովանդակություն կտային, իսկ հիմա իրենք հանրությունից նեղացած են, ասում են՝ ժողովուրդը ժեխ է, մեզ չի լսում: Բայց դուք ժողովրդին ի՞նչ եք ասել, որ ձեզ լսի: Եվ նույնիսկ սրանից դաս չեն առնի, հիմա կսկսեն կա՛մ արձագանքել, որովհետև իշխանությունն է նախաձեռնել, կա՛մ էլի բերանները ջուր կառնեն, կլռեն, որովհետև վախենում են, որ իրենք հանկարծ մի բան կասեն, ու կարող է հանկարծ դրսից Պեսկովը մի քիչ ուրիշ ձևով արձագանքի: Պետք չէ այդքան վախենալ, նախ՝ ռուսներն այդքան վախենալու չեն, նորմալ մարդիկ են և իրենց հետ էլ կարելի է այս թեմայով շատ նորմալ խոսել ու բացատրել, և երկրորդ՝ դուք ձեր ժողովրդից վախեցեք, ոչ թե դրսից, և վախեցեք ձեզ համար, ձեր երեխաների համար, որովհետև իրենք են այս երկրում ապրելու: Այս թեմաներից պետք է խոսել, բայց, ցավոք սրտի, այս է իրավիճակը:

– Հիշո՞ւմ եք՝ Թուրքիայի հետ վերջին անգամ մենք երբ ենք դիվանագիտական հարաբերություններ ունեցել:

– Վերջերս 1921թ. նյութերի մեջ եմ խորացել, այն ժամանակ մենք այստեղ՝ Երևանում ունեցել ենք քեմալական Թուրքիայի ներկայացուցիչ, և հետաքրքիր է, որ ուղիղ 100 տարի առաջ մարտին Երևանում մի ցույց է տեղի ունենում՝ ի աջակցություն հայրենիքի փրկության, և ցույցի մասնակիցները գնում են նախ Դաշնակցության մոտ, այնուհետև նաև Թուրքիայի ներկայացուցչի տուն, և նա ելույթ է ունենում ու ասում է, որ տարբեր մութ ուժեր փորձել են կռվացնել մեր ժողովուրդներին, բայց այդ ժամանակներն անցել են, և պետք է հայ ու տաճիկ ժողովուրդները միասին պայքարեն թշնամիների դեմ: Այդ ցույցը Դաշնակցությունն էր կազմակերպել և հայ-տաճկական բարեկամության թեման հենց Դաշնակցությունն է առաջ տարել ուժեղ կերպով, և այդ բարեկամությունը համարվել է անկախության միակ ելքը: Դիվանագիտական հարաբերություններ ունեցել ենք նաև 1918թ. մայիսից մինչև նոյեմբեր, Սարդարապատի ճակատամարտից, Բաթումի պայմանագրից հետո: Կարծում եմ՝ այս երկու կարճատև դիվանագիտական հարաբերություններն են եղել:

– Նաև կլիներ, եթե Աբդուլլահ Գյուլի հետ հաջողվեր համաձայնության գալ:

– Ես ընդունում եմ, որ մենք ունեցել ենք բացասական փորձ, բայց պետք չէ հիմա սկսենք 2008-2009 թվականների պրոցեսները վերլուծել, շատ հեռուն կգնանք: Ամեն դեպքում այսօր տարածաշրջանում էապես տարբեր իրավիճակ է, այսօր մենք ուղղակի այլ տարբերակ չունենք, ուզենք-չուզենք անհնար է անտեսել այն փաստը, որ Թուրքիան մտել է տարածաշրջան:

Հարցազրույցն ամբողջությամբ՝ տեսանյութում:

Բաժիններ
Ուղիղ
Լրահոս
Որոնում
new adriver("adriver_banner_525093214", {sid:216038, bt:52, bn:28});