Պատրաստվո՞ւմ եք ընտրությունների․ «Առաջին լրատվական»-ի հարցին Ազգային-ժողովրդավարական բևեռի խորհրդի անդամ Վարուժան Ավետիսյանը պատասխանեց․ «Ո՛չ։ Մենք պատրաստվում ենք վարչապետի հրաժարականի և մինչև ընտրություններ ընկած միջանկյալ ընթացքում ժողովրդին մոբիլիզացնել և 2018 թվականի օրինակով պարտադրել, որ ընտրեն ժողովրդի թեկնածուին։ Բայց դեռ հարց է՝ կլինի՞ հրաժարական, թե՞ ոչ։ Սա այսօրվա մեր օրակարգն է։ Իսկ եթե այդ ընտրություն կոչված չարաբաստիկ երևույթը տեղի ունենա, ապա կմտածենք ըստ իրավիճակի։ Հիմա դեռ շուտ է այդ մասին մտածել, որովհետև ոչ միայն մենք, այլ նաև շատերն են խոսում այն մասին, որ մեծ է հավանականությունը, որ այդ ընտրությունները տեղի չունենան։
Ինչո՞ւ։ Տարբեր պատճառներով։ Մենք քաոսային զարգացման ընթացքի մեջ ենք, և քաոսի մեջ ամեն ինչ հավանական է։ Անգամ կարող է Կրեմլը ցուցադրաբար փորձի պատժել Նիկոլ Փաշինյանին՝ օգտագործելուց հետո այլևս պիտանի չլինելուց հետո, այն նույն սցենարով, ինչպես նա դարձավ վարչապետ։ Այնպես որ, տարբեր զարգացումներ հավանական են։ Կրեմլն այն կարող է անել պալատական հեղաշրջման միջոցով, որովհետև, ինչպես տեսանք՝ ժողովրդին մոբիլիզացնելու միջոցով դա չստացվեց»։