Թուրքիայի նախագահ Ռեջեփ Թայիփ Էրդողանը հայտարարել է, որ Թուրքիայի նահանգների մեծ մասում հանգստյան օրերին կրկին պարետային ժամ կմտցվի, հաղորդում է Anadolu-ն:
«Կորոնավիրուսից մահացությունների աճը մեզ ստիպեց վերանայել գործող անվտանգության միջոցները: 58 նահանգ, որտեղ բնակվում է մեր երկրի բնակչության 80%-ը, կրկին բարձր ռիսկային գոտիներ են դարձել: Այդ նահանգներում կրկին պարետային ժամ է մտցվում շաբաթ և կիրակի օրերին»,- ասել է Էրդողանը:
Բացի այդ, նա հավելել է, որ երկրում պահպանվում է աշխատանքային օրերին ժամը 21.00-ից մինչև 5.00 գործող պարետային ժամը:
Էրդողանն ասել է, որ պարետային ժամի ընթացքում սրճարաններն ու ռեստորանները միայն առաքում կիրականացնեն: Մնացած ժամանակահատվածում կաշխատեն 50% ծանրաբեռնվածությամբ:
