Ուկրաինայի փոխարտգործնախարար Վասիլի Բոդնարը հույս ունի, որ ուկրաինական «Անտոնով» պետական ավիաշինական ընկերության ինքնաթիռները կարտադրվեն նաև Թուրքիայում։ Այս մասին ուկրաինացի պաշտոնյան հայտնել է Թուրքիայի պետական Anadolu լրատվական գործակալության հետ զրույցի ժամանակ՝ խոսելով թուրք-ուկրաինական հարաբերությունների մասին, տեղեկացնում է «Էրմենիհաբերը»։
«Մենք ունենք ինքնաթիռների արտադրությամբ զբաղվող «Antonov» ընկերություն։ Դրա միջոցով Թուրքիան կարող է ընդլայնել ավիացիոն ոլորտում իր ունեցած հնարավորությունները, իսկ Ուկրաինայի համար համատեղ նախաձեռնություն իրանականացնելու շանս է ընձեռվում։ Հուսով եմ, որ մոտ ժամանակներս «Antonov» ինքնաթիռները կարտադրվեն Թուրքիայում, նաև կհայտնվեն Թուրքիայի երկնքում»,- ասել է Բոդնարը։
Ավելի վաղ լրատվամիջոցների հաղորդմամբ՝ ուկրաինական Antonov պետական ավիաշինական ընկերությունը ցանկանում էր AN-178 ինքնաթիռի արտադրության գործընթացում ներգրավվել թուրք մասնագետներին: