«Պետք է ասեմ՝ ես մնում եմ իմ այն կարծիքին, որ արտահերթ ընտրությունների օր նշանակելով՝ այն կամաց-կամաց բերելու է ներքաղաքական լարվածության թուլացման։ Այն բոլոր քաղաքական ուժերը, որոնք քիչ թե շատ հնարավորություն ունեն, կամ հնարավորություն են տեսնում և գտնում են, որ շանս ունեն հայտնվելու Ազգային ժողովում, արդեն սկսել են պատրաստվել ռեալ նախընտրական քարոզչությանը։ Իսկ ինչ վերաբերում է Վազգեն Մանուկյանի հայտարարություններին, ապա ես մի անգամ ասել եմ, որ Վազգեն Մանուկյանը վաղուց արդեն քաղաքական գործիչ չի հանդիսանում»,- «Առաջին լրատվական»-ի հետ զրույցում «Հանուն Հանրապետության» կուսակցության ղեկավար մարմնի անդամ Վահագն Մարտիրոսյանը։
Իսկ ՔՈ կուսակցության անդամ Նարեկ Նեսիսյանն էլ «Առաջին լրատվական»-ի հետ զրույցում ասաց․ «Ի վերջո, անկախ որևէ բանից, չընդունելով փողոցի այս շարժումը, գործ ունենք Հայաստանի Հանրապետության քաղաքացիների հետ։ Սա կարևոր է, նախ և առաջ նրանով, որ մենք ինքներս պետք է սկսենք հանդարտեցնել իրավիճակը։ Բայց ինչ վերաբերում է Վազգեն Մանուկյանի ասածին, ապա դա կատեգորիկ անընդունելի է՝ ուժը որևիցե արդարացում չունի, և ոչ մի լավ տեղ չի տանելու»։
Մանրամասները՝ տեսանյութում։
