Վրաստանում COVID-19-ի զոհերի թիվն աճել է՝ հասնելով 3765-ի: Կառավարությունից հայտնել են, որ ևս 14 հիվանդ է մահացել կորոնավիրուսային վարակի հետևանքով առաջացած բարդություններից:
Մեկ օրում երկրում հայտնաբերվել է կորոնավիրուսի 171 նոր դեպք: Կատարվել է 14298 թեստ. PCR թեստեր՝ 5751, հակագենի արագ թեստեր՝ 8547:
Ապաքինվել է ևս 382 հիվանդ: Երկրում COVID-19-ի հաստատված դեպքերի ընդհանուր թիվը 280.472 է, ապաքինվել է 272.601 հիվանդ:
Ըստ Stopcov.ge կառավարական կայքի, Վրաստանում կորոնավիրուսի հայտնաբերման օրական մակարդակը կազմել է 1.2%, վերջին 14 օրվա ընթացքում՝ 1.66%, շաբաթվա ընթացքում՝ 1.6%:
Վրաստանում COVID-19-ի դեմ պատվաստումները սկսվել են մարտի 15-ին՝ AstraZeneca-ի պատվաստանյութով: Երեք օր անց լուրջ բարդություն է գրանցվել. պատվաստանյութի ներարկումից հետո Ախալցխա քաղաքից 27-ամյա բուժքույրը անաֆիլակտիկ շոկի մեջ է ընկել և մահացել: Սա ազդել է պատվաստումների ընթացքի վրա: Վրաստան է առաքվել պատվաստանյութի երկրորդ խմբաքանակը՝ Pfizer-ի պատվաստանյութի մոտ 30 հազար դեղաչափ: Մարտի 29-ի դրությամբ արդեն պատվաստվել է 4924 մարդ (բուժաշխատողներ և 65 տարեկանից բարձր քաղաքացիներ):