«Առաջին լրատվական»-ի զրուցակիցն է քաղաքագետ Կայծ Մինասյանը (Ֆրանսիա, Փարիզ)
-Պարոն Մինասյան, Ֆրանսիայի նախկին արտգործնախարար Բեռնարդ Քուշները եղել է Ստեփանակերտում և այնուհետև ղարաբաղյան հակամարտության կարգավորման վերաբերյալ իր դիտարկումները հնչեցրել։ Նա նարձանագրել է, որ պատերազմի մեղավորը Թուրքիան, Ադրբեջանն ու սիրիացի վարձկաններն էին, բայցև միևնույն ժամանակ կարևորել թշնամու հետ խոսելու անհրաժեշտությունը։ Դուք տեսնու՞մ եք այդպիսի անհրաժեշտություն։
-Բոլոր առիթները լավ են խոսելու համար, բայց հարցն այն է, որ պետք է իմանալ,թե ում հետ և ինչ անել: Ես և մյուսները տարիներ շարունակ ասում ենք, որ մենք պետք է խոսենք Թուրքիայի քաղաքացիական հասարակության և որոշակի թուրքական քաղաքական ուժերի հետ: Արդեն 30 տարի է, ինչ պետք է արվեր:
–Ընդհանրապես նոյեմբերի 9-ի համաձայնագրից հետո շատերն են խոսում խաղաղության հաստատման մասին, մի մասն էլ անընդհատ պատերազմի սպառնալիք տեսնում։ Ի՞նչ դիտարկումներ ունեք դուք։
-Այս պահին ես լուրջ սպառնալիքներ չեմ տեսնում: Ավելի շուտ ես տեսնում եմ Ադրբեջանի ռազմական հաղթանակի շարունակությունը, որը ցանկանում է ամրապնդել իր դիրքերը և բազմապատկել սադրանքները:
–Դեռևս չլուծված դրույթների իմաստով՝ Արցախի կարգավիճակի մասնվորապես , Ֆրանսիան ի՞նչ դերակատարություն կարող է ունենալ գործնականում։
-Դարձյալ ոչ մի կոնկրետ բան, քանի դեռ Հայաստանը լուրջ նախաձեռնություն չի ձեռնարկել. առաջին քայլը կատարելը Հայաստանինն է:
–Բեռնարդ Քուշները հակամարտության համապարփակ կարգավորման տեսանկյունից անհրաժեշտ է համարում, որ խոսեն Հայաստանի կառավարությունն ու ընդդիմությունը, այսինքն լուծվեն Հայաստանի ներքիյ խնդիրները։ Այդ իմաստով հունիսի 20-ին կայանալիք արտահերթ ընտրությունները կարո՞ղ են օգնել ինչ–որ բանով։
-Ընտրությունների անցկացումը լավ է երկրի կայունության համար: Բայց ամենից առաջ դա հնարավորություն է տալու հաշվետու լինել հայերի առջև: Որոշները պետք է պատասխանատվության ենթարկվեն և դադարեն կուրանալ թավշյա հեղափոխության ձեռքբերումներից: Նախկին ռեժիմի ուժերը նույնպես պետք է ներողություն խնդրեն երկիրը թալանելու համար: Երևանում մենք մոտ 30 տարի իշխանության գլխին ունեինք մաֆիայի կարտել (Cartel d’Erevan): Բավակա՛ն է։ Հայերը պետք է դադարեն բավարարվել «էլիտաներով»:
