Թբիլիսիի քաղաքապետ Կախա Կալաձեն հաղորդել է, որ հիվանդանոց է տեղափոխվել, քանի որ իր մոտ վերտեբրո-բազիլյար համախտանիշ է հայտնաբերվել (ուղեղի արյան մատակարարման խախտում): Այս մասին նա գրել է սոցիալական ցանցերում:
Կալաձեն հավաստիացրել է, որ շարունակում է հեռակա աշխատել, չնայած նրան, որ գտնվում է կլինիկաներից մեկում, որտեղ հետազոտվում է։
«Ընկերներ, ես շատ ծանուցումներ եմ ստանում, ինձ գրում են ծանոթ և անծանոթ մարդիկ, հարցնելով, թե ինչու ակտիվ չեմ: Ես պարտավոր եմ հայտնել, որ ինձ մոտ վերտեբրո-բազիլյար համախտանիշ է հաստատվել և վեստիբուլոպաթիա, ինչի պատճառով ես բժշկական հետազոտություն եմ անցնում», – գրել է Վրաստանի մայրաքաղաքի քաղաքապետը:
