Monday, 19 04 2021
Տոկիո-2020. Քանի մարզիկ կներկայացնի Հայաստանը. ակնկալվող մեդալների քանակը
Ի՞նչ միջոցառումներ են նախատեսված Երևանում ապրիլի 24-ին
13:21
Բայդենն ամերիկացիներին հորդորել է չհապաղել կորոնավիրուսի դեմ պատվաստման հարցում
Ուղիղ. Արցախում ծառայող զինվորների հարազատներին վարչապետը հրավիրել է հանդիպման
Դեսպան Մինասյանն ու Ռումինիայի հայ կաթոլիկ համայնքի առաջնորդը քննարկել են Արցախի դեմ Ադրբեջանի սանձազերծած պատերազմի հետևանքները
ԱՄՆ պատժամիջոցները՝ ընդդեմ Ռուսաստանի, կօգնեն Հայաստանին ազատվել ռուսական գաղութային լծից
12:58
Կոլումբիայի փրկարարները 11 հանքագործների մարմիններ են հանել հանքահորից
Ուզում ենք վարչապետը մեզ մի դրական պատասխան տա․ ժամկետային զինծառայողի մայր
Խաղաղապահների մասնակցությամբ Ստեփանակերտում անց է կացվել Հաղթանակի օրվան նվիրված շքերթի փորձը
Տեսնենք մեր վարչապետը ինչ կասի․ ժամկետային զինծառայողի ծնողները կհանդիպեն Փաշինյանի հետ
12:35
Օսթինում երեք մարդ Է զոհվել գնդակոծության հետևանքով
ՊՆ-ն խորը քնի մեջ է․ վարչապետին սուտ են զեկուցում․ ժամկետային զինծառայողի հայր
12:20
«Գալաքսի» ընկերությունների խումբը 2020 թվականին ավելի քան 11,5 միլիարդ դրամի հարկային վճարումներ է կատարել
Նախագահը մի շարք օրենքներ է ստորագրել
12:01
Եվրոպական առաջատար ակումբները հայտարարեցին Սուպերլիգայի ստեղծման մասին
Ալիևի վրա ամերիկա-ռուսական ճնշման ուրվագիծը
Մեղադրանք է առաջադրվել Իսրայելում ՀՀ դեսպանին
11:40
Բրիտանիան նոր օրենք է մտցնում Ռուսաստանի և Չինաստանի դեմ պայքարելու համար․ Times
«120 grammi» ընկերությունը կապ չունի Ադրբեջանում «Հաղթանակի թանգարանի» կառուցման հետ․ ԱԳՆ
«Տղա՛ս, թուրքը թուրք է, ի՛նչ ալ ընէ, խօսի կամ գրէ, պէտք չէ վստահիլ թուրքին»․ Արամ Ա
ՀՀ-ում COVID-19-ի 298 նոր դեպք է գրանցվել․ մահացել է 17 մարդ
ԵԽԽՎ-ն Հայաստանից հրավերի է սպասում
Պայմանագրային զինծառայողների ծառայության տարիքային շեմը կբարձրացվի. ԱԺ-ն երկրորդ ընթերցմամբ ընդունեց նախագիծը
10:40
Դոնեցկում և Լուգանսկում հայտարարել են Ուկրաինայի կողմից գնդակոծությունների մասին
10:30
Չիկագոյում 7-ամյա աղջիկ է զոհվել McDonald’s-ի մոտ տեղի ունեցած հրաձգության արդյունքում
10:20
Լուիզիանայում հինգ մարդ է տուժել հրաձգության հետևանքով
Թուրքիան հավանություն է տվել «Սպուտնիկ-V»-ի արտադրությանը
Փաշինյան – Օնիկ Գասպարյան վեճի խմորը դեռ շատ ջուր կվերցնի
09:50
Նավթի պաշարների կրճատումը կարող է հանգեցնել դրա արժեքի բարձրացմանը մինչև 74 դոլար․ Bloomberg
09:40
Live. «Առաջին լրատվական» տեղեկատվական-վերլուծական կենտրոն

ՍԴ-ն բացեց դժոխքի դարպասները քաղաքացիական բախումների համար

«Առաջին լրատվական»-ի զրուցակիցն է փաստաբան Տիգրան Եգորյանը:

– Սահմանադրական դատարանն այսօր (մարտի 26-ին) որոշում է կայացրել, կխնդրեի նախ իրավական լեզվով պարզաբանել՝ ինչի՞ մասին է այս որոշումը:

– ՍԴ որոշման եզրափակիչ մասն է միայն հայտնի, ՍԴ-ն ժամանակ ունի այն հրապարակելու. եզրափակիչ մասն այն մասին է, որ Քրեական օրենսգրքի 301.1 հոդվածը (որով մեղադրանք է առաջադրված երկրորդ նախագահ Ռոբերտ Քոչարյանին) ճանաչել է Սահմանադրությանը (78 և 79-րդ հոդվածներին) հակասող և անվավեր: Որոշման ամբողջական բովանդակությունը մեզ հայտնի չէ: Կանխատեսվում էր, որ ՍԴ-ն հակասահմանադրական կճանաչի այս հոդվածը, բայց դա բնավ չի նշանակում, որ այն հակասահմանադրական է:

– Հայտնի է, որ դատավոր Խունդկարյանը հատուկ կարծիք է հայտնելու:

– Բայց դա համընկնող հատուկ կարծիք է, խոսք չկա տարբերվող կարծիքի մասին:

– ՍԴ որոշումն ի՞նչ է փոխում Մարտի 1-ի գործում, ի՞նչ է սպասվում:

– Սպասվում է, որ 301.1 հոդվածը Սահմանադրությանը հակասող ճանաչված լինելու պարագայում պետք է քրեական հետապնդումը դադարեցվի Ռոբերտ Քոչարյանի նկատմամբ: Մնում են մյուս մեղադրանքները, այսինքն՝ 301.1 հոդվածի մասով գործը պետք է կարճվի, մյուս մասով՝ շարունակվի…

– Կանխատեսում էի՞ք այսպիսի շրջադարձ:

– Հեղափոխությունից ի վեր նշել ենք, որ առանցքային հարցերից են դատական իշխանության և ՍԴ ռեֆորմը՝ հաշվի առնելով, որ ո՛չ այս ՍԴ-ն, ո՛չ դատավորների մեծամասնությունը ի զորու չեն սպասարկելու Սահմանադրությամբ սահմանված սկզբունքներն ու նպատակները և դրանք երաշխավորող օրենսդրությունը, օրենքի գերակայությունը: Նրանք չեն կարող գնալ իրենց էությանը հակառակ, որը ձևավորվել է նախորդ 25 տարիների ընթացքում, նրանք չեն կարող «ինքնասպանություն» գործել: Սկսած հեղափոխության առաջին իսկ օրերից՝ զգուշացնում ենք այս մասին, բացատրում և առաջարկում ենք ռեֆորմների իրավական քաղաքականության ճիշտ և անհրաժեշտ ուղղությունները, սակայն մեր կանխատեսումները, ցավոք, բավարար հետևությունների առիթ չտվեցին:

– Հայաստանի քաղաքացուն հետաքրքրում է Սահմանադրական դատարանը արդա՞ր որոշում է կայացրել, թե՞ ոչ:

– Թերևս, ամենակարևոր հարցն է, թե որն է քաղաքացուն ուղղված ուղերձը: ՍԴ-ն տարիներ ի վեր որդեգրել է մի սկզբունք, որի համաձայն՝ իշխանության հարցը պետք է լուծվի փողոցում, և իրավունքի դատարանն այդ հարցում չի միջամտելու: Ավելի նեղ շրջանակներին հայտնի է, որ դա Գագիկ Հարությունյանի կոնցեպցիան էր, և դրա հետևորդներն էին այդ «շենքի մյուս բնակիչները»՝ ՍԴ անդամներին նկատի ունեմ: Այդ մասին բավականին անկեղծ խոսում էին հարցազրույցներում, երբ հեղափոխությունից հետո իրավունք էին ձեռք բերել խոսելու, այդ մասին Ֆելիքս Թոխյանն էր ՍԴ միջանցքներում պատմում մեզ, որ ժողովուրդը պետք է հարցը լուծի փողոցում: Սա այն հիմնական ուղերձն էր, որ Սահմանադրության 2-րդ հոդվածով սահմանված ժողովրդի իշխանության դրսևորման պրոցեսների կապակցությամբ, որը ՍԴ-ն (որ կոչված էր Սահմանադրության այդ անփոփոխ հոդվածի պաշտպանության լիակատար ու բացառիկ իրավասությամբ ու առաքելությամբ) ժողովրդին է փոխանցում՝ հույս մի՛ դրեք ինձ վրա, կռի՛վ տվեք փողոցում, եթե չի ստացվում ընտրություններով: Մարտի 1-ի գործն այն մասին էր, որ երբ ժողովուրդն ընտրությունների միջոցով իր կամքն արտահայտելուց հետո, նորից բախվելով իր իշխանությունը հաղթահարող և այդ ճանապարհին միջոցների մեջ խտրություն չդնող իշխանության կեղծիքներին, դուրս եկավ փողոց, ինչպես հորդորում էր Սահմանադրական դատարանը: Դուրս եկավ փողոց և տևական հանրահավաքների միջոցով իրացնելով Սահմանադրությամբ սահմանված իր մյուս հիմնական իրավունքները, երկրորդ հոդվածով՝ իր ընտրության իրավունքն իրացնելուց հետո դուրս եկավ փողոց և պահանջում էր, որ իր կողմից իշխանություն ձևավորելու առանցքային իրավունքը հարգվի: Այս պահանջը իշխանության կողմից հեղվեց արյամբ, գնդակահարվեցին մարդիկ:

Դրանից հետո 10 տարի Հայաստանի Հանրապետությունում ժողովրդավարությունը թմբիրի մեջ էր: 2018-ին կուլմինացիոն պահն էր, երբ կուտակված էներգիան դուրս հորդեց, և մենք ականատես եղանք հեղափոխական գործընթացներին, որոնք բերեցին իշխանափոխության: Այդ ժամանակահատվածից ի վեր՝ սկսեց արդյունավետ քննություն իրականացվել Մարտի 1-ի գործով, ըստ էության՝ դա այն մասին էր, որ այդպիսի իրադարձություններ և այդպիսի միջամտություններ՝ մահաբեր ուժի այդպիսի կիրառություն ժողովրդի նկատմամբ, ժողովրդի սահմանադրական իրավունքների նկատմամբ, անթույլատրելի է, և այն գործադրած պաշտոնյաները պետք է պատասխանատվության ենթարկվեն, և այդ պատասխանատվությունը լինելու է անխուսափելի թեկուզ 5 տարի, 10 տարի հետո, թեկուզ 15 տարի հետո: Մարտի 1-ի գործը նաև խորհրդանշանակ ուղերձ ուներ ժողովրդին, որ ժողովրդի իշխանության նկատմամբ ոտնձգությունները վաղ թե ուշ պատժվելու են:

Այսօր այս որոշմամբ ՍԴ-ն ոչ միայն վերահաստատում է նախկինում իր ձևավորած և պարբերաբար արտահայտած այն ուղերձը առ այն, որ 2-րդ հոդվածով իշխանության ձևավորման իրավունքի իրացման հարցը լուծեք փողոցում, այլ նաև վերահաստատում է և խորացնում հետևյալը՝ որ այդ դեպքում ձեր նկատմամբ բռնությունների հարցերը ևս պետք է լուծեք ինքնուրույն: Ըստ էության, սա չափազանց վտանգավոր մի գիծ է, որը ՀՀ ՍԴ-ն այսօր քաշելով, ՀՀ-ում ստեղծում է մի իրավիճակ, երբ ՀՀ ժողովուրդը զրկված է ժողովրդավարության իր բոլոր զենքերից, որոնք սահմանված են Սահմանադրությամբ և օրենսդրությամբ, ու մեն-մենակ է փողոցում, տանը, հանրապետությունում իր նկատմամբ ոտնձգություն իրականացնող ներքին հրոսակախմբերի դեմ պայքարում:

– Ես ձեր պատկերավոր նկարագրությունից մի հետևություն արեցի, որ ՍԴ այսօրվա որոշումն արդարացնում է 2008թ. մարտի 1-ին հանուն իշխանության արյան հեղումը:

– Այո՛, այն թույլատրում է հաղթահարել ժողովրդի իշխանությունը ցանկացած գնով և ցանկացած միջոցով, այն, ըստ էության, բացում է դարպասները միգուցե նաև քաղաքացիական բախումների համար: Եթե պաթոսով խոսենք, այն բացում է դժոխքի դարպասները:

– Իսկ ինչպե՞ս պետք է բացատրվի, թե ինչու էին զինված ուժեր բերվել Երևան և գործարկվել:

– Փաստորեն, ՍԴ-ն մեզ այսօր պատմում է, որ Անկախության հռչակագիրը, Սահմանադրությունը և այն երաշխավորող օրենսդրությունն անզոր են ժողովրդի հանդեպ մահաբեր ուժի կիրառության կապակցությամբ, և ՀՀ-ն, ըստ էության, զրկված է իր սուվերենության բաղադրիչից, ժողովուրդը չէ այստեղ միակ իշխանության կրողը և ժողովրդի իշխանությունը պաշտպանված չէ:

Հարցազրույցն ամբողջությամբ՝ տեսանյութում:

Բաժիններ
Ուղիղ
Լրահոս
Որոնում
new adriver("adriver_banner_525093214", {sid:216038, bt:52, bn:28});