ՀՀ պաշտպանության նախարարը զրուցել է ՌԴ պաշտպանության նախարարի հետ և ԳՇ պետի հետ: Այս մասին հաղորդագրության մեջ նշվում է, որ քննարկվել է նաև Սյունիքի անվտանգության հարցը: «Առաջին լրատվական»-ի հետ զրույցում քաղաքագետ Ստեփան Գրիգորյանը նշեց, որ եթե այդ հարցը քննարկվել է, դա հուշում է մեկ բան՝ Ռուսաստանն ուզում է Հայաստանի ուշադրությունն առավելագույնս շեղել Արցախից, արհեստական լարվածություն է ստեղծում՝ Սյունիքի հետ կապված, որ մեր ուշադրությունն Արցախից տեղափոխվի Սյունիք:
«Սյունիքի գյուղերը մոտ են ադրբեջանական զորքերին, պարզ է, որ այդ խնդիրը պետք է լուծվի, բայց Սյունիքը Հայաստանի անբաժան մասն է, և եթե Թուրքիան հավակնություններ ունի Սյունիքի առումով, վստահեցնում եմ՝ և՛ Ֆրանսիան, և՛ ԱՄՆ-ը զորքեր կմտցնեն այստեղ՝ առանց մտածելու: Ղարաբաղի հարցը վիճելի էր, տարածքային վեճ, ինքնորոշման խնդիր և այլն, Մինսկի խումբ կա, բայց եթե բուն Հայաստանին սպառնացող վտանգներ լինեն, մեզ միանշանակ կաջակցեն: Ռուսաստանը «отвлекающий маневр» է անում, իբր ուզում են Սյունիքը մեզանից խլել, և դա անում է, որպեսզի մենք մեր ուշադրությունը շեղենք Արցախից: Ցավում եմ, որ այդ խաղերի մեջ Ռուսաստանը կա»,- նշեց Գրիգորյանը:
Թե ինչու է Ռուսաստանը մտնում այդ խաղի մեջ, քաղաքագետի կարծիքով, ՆԱՏՕ-ին թուլացնելու համար. «Այսօր Ռուսաստանի համար բարդ է ԵՄ-ի, ՆԱՏՕ-ի և ԱՄՆ-ի հետ: Ռուսաստանի իշխանությունները շատ են վատացրել հարաբերությունները Արևմուտքի հետ և նրանց գերխնդիրը Արևմուտքը թուլացնելն է, և այստեղ Թուրքյաին դերը ֆանտաստիկ մեծ է»:
Անդրադառնալով դիտարկմանը, որ ռուս-թուրքական հարաբերությունները մի կետում ջերմ են, մյուս կետում՝ փոխհրաձգություններ են, քաղաքագետը նշեց. «Դա այդպես է, քանի որ և Թուրքիան և Ռուսաստանը կոշտ ավտորիտար ռեժիմներ են, ավտորիտար ռեժիմների ժամանակ արժեքները հաշվի չեն առնվում, կան միայն շահեր, և որտեղ շահերը համընկնում են, համագործակցում են, որտեղ չեն համընկնում, «կրակում են»:
Մանրամասն՝ տեսանյութում:
