Հայաստանի և Ռուսաստանի պաշտպանության նախարարները հեռախոսազրույց են ունեցել՝ քննարկվել են Արցախում ռուսական խաղաղապահ առաքելության, երկկողմ պաշտպանական գործակցության հարցեր։ Հատուկ քննարկվել է հայ-ռուսական համատեղ զորախմբերի հարցը, ինչպես նաև անդրադարձ է կատարվել Սյունիքի անվտանգության հարցերին։
Տարօրինակ չէ՞, որ ՀՀ պաշտպանության նախարարը ռուս իր գործընկերոջ հետ քննարկում է Սյունիքի անվտանգության հարցը․ «Առաջին լրատվական»-ի հարցին քաղաքագետ Արմեն Վարդանյանը պատասխանեց․ «Ամենայն հավանականությամբ՝ Հայաստանի և Ռուսաստանի իշխանությունները որոշակի մտավախություն ունեն, որ Ադրբեջանը Սյունիքում կարող է գնալ սադրանքների։ Մանավանդ որ Իլհամ Ալիևը վերջերս իր հռետորաբանության մեջ մի քանի անգամ նշել է, որ Զանգեզուրը պատմական Ադրբեջանի մաս է, և բաց տեքստով Հայաստանից պահանջել է Սյունիքի տարածքով ճանապարհ տրամադրել դեպի Ադրբեջան։ Այս պարագայում Ռուսաստանն արդեն չի կարող չխառնվել իրադարձություններին, որովհետև արդեն ՀԱՊԿ-ի հովանոցը կիրառելի է։ Եթե Արցախի դեպքում ասում էին, որ այն չեն ճանաչում որպես Հայաստանի մաս, ապա այժմ չեն կարող հեռու մնալ իրադարձություններից։ Այս դեպքում Ռուսաստանը պարտավորություններ ունի»։
Մանրամասները՝ տեսանյութում։
