Արտահերթ ընտրությունները մենք դիտարկում ենք որպես քաղաքական դաշտի լարվածությունը պարպելու միջոց, գործիք: Թե ինչքանով կծառայի այդ գործիքը բուն նպատակին, ցույց կտա ժամանակը, շատ բան կախված է նաև ընդդիմադիր քաղաքական ուժերից: «Առաջին լրատվական»-ի հետ զրույցում այս մասին նշեց «Քաղաքացիական պայմանագիր» կուսակցության հանրային կապերի պատասխանատու Վահագն Ալեքսանյանը:
«Նախ պետք է կոնսենսուս լինի ընտրությունների անցկացման վերաբերյալ, կարելի է ասել, որ դրան արդեն հասել ենք, քաղաքական դաշտի բացարձակ մեծամասնությունը կողմ է ընտրությունների անցկացմանը: Արդեն երկրորդ հարցն է առաջ եկել՝ կապված ընտրությունների անցկացման ձևաչափի հետ. այսինքն՝ ընտրություններն անցկացնել ռեյտինգայի՞ն ընտրակարգով, թե՞ համամասնական, Ընտրական օրենսգիրքը փոխվի՞, թե՞ չփոխվի»,- նշեց Ալեքսանյանը:
«Հանուն հանրապետության» կուսակցությունը նպատակ ունի նոր քաղաքական դիսկուրսի առկայությունն ապահովել ԱԺ-ում, որի բացակայությունը մեծ վնասներ հասցրեց անցյալ ժամանակում,- նշեց «Հանուն հանրապետության» ԺՊԴԿ անդամ Հայկ Այվազյանը:-Կարծում եմ նորահայտ կուսակցությունները և առհասարական քաղաքական դաշտը խնդիրներ կունենա, եթե ռեյտինգային ընտրակարգը պահպանվի: Այն չի ապահովի «նոր Հայաստանի» ձևավորումը կամ Հայաստանի ընթացքը նոր ուղով, և կշարունակվի այս երեք-չորս ամիսների ոչ բարեկիթ քաղաքական պայքարը ԱԺ-ում, ինչը հղի է քաղաքական անկայունությունով»:
Վահագն Ալեքսանյանը նշեց, որ ԲՀԿ-ից Իվետա Տոնոյանն այսօր հայտարարել է՝ իրենց համար էական չէ, թե որ ընտրակարգով կանցկացվեն ընտրությունները, էականը ընտրությունների օրը չտեղաշարժելն է, իսկ ԼՀԿ ղեկավար Էդմոն Մարուքյանը բազմիցս դեմ է արտահայտվել համամասնական ընտրակարգին, ինչը ինձ համար զարմանալի է: Ես չեմ հասկանում Մարուքյանի տրամաբանությունը, մանավանդ որ ԼՀԿ-ն համամասնական ընտրակարգով շահեկան դիրքերում է հայտնվում:
«Այդ հայտարարությամբ, ինձ թվում է, ԼՀԿ-ն պահի խնդիր է լուծում, և առանձնապես անհանգստանալ պետք չէ»,- նշեց Այվազյանը:
Մանրամասն՝ տեսանյութում:
