Թուրքիայի արտաքին գործերի նախարարությունը կանչել է Անկարայում Ռուսաստանի դեսպան Ալեքսեյ Երխովին՝ կապված Իդլիբի դեէսկալացման գոտում իրավիճակի սրման հետ՝ գրում է Hurriyet թերթը:
Նշվում է, որ Թուրքիայի նախարարությունը մարտի 21-ին Իդլիբի դեէսկալացման գոտու տարածքում գտնվող հիվանդանոցի գնդակոծման հետևանքով զոհված հինգ խաղաղ բնակիչների մահվան մեջ մեղադրում է սիրիական բանակին: Թուրքիան նաև մեղադրել է սիրիացի զինվորականներին բնակավայրի և բեռնատարի կանգառի վրա հարձակման մեջ, ինչի արդյունքում վիրավորել է յոթ խաղաղ բնակիչ:
Ըստ թերթի՝ ՌԴ դեսպանին մտահոգություն է հայտնել անվտանգության խնդրի կապակցությամբ, որն Իդլիբում առաջացել է հաճախակի հարձակումների պատճառով: Թուրքական գերատեսչությունը հայտնել է, որ այդ հարձակումները սպառնում են կայունությանը և անվտանգությանը դեէսկալացման գոտիներ նշանակված տարածքներում՝ համաձայն ռուս-թուրքական համաձայնագրերի: