Վերջին շրջանում հարցումների արդյունքներ հրապարակվեցին, մասնավորապես՝ «Գելլափի» և Վաշինգտոնի միջազգային հանրապետական ինստիտուտի կողմից։ Մի դեպքում հարցման մասնակիցների 55 տոկոսն է կողմ արտահայտվել արտահերթ խորհրդարանական ընտրություններին, «Գելլափի» հարցումներով՝ 37 տոկոսը։
Ինչո՞վ է պայմանավորված թվերի տարբերությունը․ «Առաջին լրատվական»-ի հարցին սոցիոլոգ Արտակ Սաղաթելյանը պատասխանեց․ «Գուցե հարցերի ձևակերպման մեջ է խնդիրը, որովհետև հարցի ճշգրիտ ձևակերպումը նույնական պետք է լինի, որպեսզի սպասենք թվերի համընկնման։ Դրա համար, եթե մեթոդաբանությունը ճիշտ է արվում, ապա սխալի աստիճանը կարող է 3-4 տոկոս կազմել»։
Իսկ որքանո՞վ է ճիշտ ներքաղաքական զարգացումները չափել սոցիոլոգիական հարցումների միջոցով․ «Առաջին լրատվական»-ի հարցին Արտակ Սաղաթելյանը պատասխանեց․ «Գիտեք՝ այլ համարժեք գործիք, կարծում եմ՝ մինչ օրս չկա, որովհետև սոցիոլոգիական պարբերական հարցումների դեպքում քաղաքական ուժերը կարողանում են իրենց հետագա քարոզարշավը, քաղաքական պայքարը ճշգրտել։ Այսինքն՝ հասկանալով մարդկանց կարիքները՝ իրենց քարոզարշավը համապատասխանեցնել այդ կարիքներին»։
Ո՞րն է լինելու նախընտրական Հայաստանի օրակարգը․ մենք քաղաքակիրթ քարոզարշավի ականատես լինելո՞ւ ենք․ «Առաջին լրատվական»-ի հարցին պատմաբան Զոհրաբ Գևորգյանը պատասխանեց․ «Նախ՝ փորձենք դիտարկել, թե ինչու հենց հիմա որոշում կայացվեց, որ ընտրությունները պետք է լինեն ամռանը՝ հունիսին։ Վերջերս որ սոցիոլոգիական հարցում էր իրականացվել, քաղաքականապես չկողմնորոշվածների թիվը բավական մեծ տոկոս էր կազմում։ Այս պարագայում՝ բովանդակային առումով, այս կարճ ժամանակահատվածում գնալ ընտրությունների, շատ պարզ է, որ այն բերելու է լուրջ իմացաբանական կոնֆլիկտների»։
Մանրամասները՝ տեսանյութում։
