Հունիսի 20-ին Հայաստանում կանցկացվեն արտահերթ խորհրդարանական ընտրություններ: Թեմայի շուրջ «Առաջին լրատվական»-ի հետ զրույցում ՀՀ շրջակա միջավայրի նախարար, «Քաղաքացիական պայմանագիր» կուսակցության վարչության անդամ Ռոմանոս Պետրոսյանը նշեց. «Քաղաքական այս ճգնաժամի մեկնարկից ի վեր մենք ասել ենք, որ իրավական երկրում ճգնաժամերի հանգուցալուծումը բացառապես սահմանադրական ճանապարհով պետք է տեղի ունենա, իսկ պառլամենտարիզմի պարագայում դա խորհրդարանական արտահերթ ընտրություններն են»:
«Վերջին զարգացումները, արտախորհրդարանական ուժերի փողոցային պայքարը չստացավ հանրային աջակցություն, համաժողովրդական բողոքի կայծը չբռնկվեց, ինչի ակնկալիքն ունեին այդ ուժերը, և նրանք մեկ անգամ ևս համոզվեցին, որ չեն կարող այդ գործիքակազմով որևէ կերպ ներազդել գործընթացների վրա կամ գործընթացները տանել իրենց նախատեսած ուղով: Եվ այդ արձանագրումից հետո մենք էլ ավելի վճռականորեն մեր պարզած ձեռքը երկարեցինք և առաջարկեցինք քաղաքական այս ճգնաժամից դուրս գալու սահմանադրական ճանապարհ ընտրել: Եվ այսօր վերջնականորեն փոխհամաձայնություն հաստատվեց խորհրդարանական խմբակցությունների միջև, և հայտարարվեց ընտրությունների օրը»,- նշեց Պետրոսյանը:
Մանրամասն՝ տեսանյութում:
