Ախալցխա քաղաքի «Իմեդի» կլինիկայում կորոնավիրուսի դեմ պատվաստվելուց 30-ամյա բուժքրոջ ինքնազգացողությունը կտրուկ վատացել է՝ գրում է տեղական Samkhretis Caribche լրատվական գործակալությունը:
Կինը գտնվում է ծանր վիճակում, նրան տեղափոխել են վերակենդանացման բաժանմունք: Ըստ բժիշկների՝ բուժքույրը վատ է զգացել AstraZeneca- ով պատվաստվելուց 15 րոպե անց:
Տեղեկանալով կատարվածի մասին՝ բուժքրոջ հարազատները փորձել են կլինիկայում ծեծկռտուք սկսել, նրանք կոտրել են մի քանի ապակիներ: Ոստիկանությունը մոբիլիզացվել է տեղում, գրում է «Նովոստի-Գրուզիան»:
